സംസ്ഥാന സര്‍ക്കാരിനെതിരെ രൂക്ഷമായ വിമര്‍ശനവുമായി നടന്‍ ഹരീഷ് പേരടി രംഗത്ത്. കൊവിഡ്, ലോക്ക് ഡൗണ്‍ പ്രതിസന്ധിക്ക് ശേഷം നാടകങ്ങള്‍ക്ക് വേദി അനുവദിക്കുന്നതിന് സര്‍ക്കാര്‍ ശ്രമങ്ങള്‍ ഉണ്ടാകാതിരുന്നതില്‍ പ്രതിഷേധിച്ചാണ് ഹരീഷ് പേരടിയുടെ തീരുമാനം. സിനിമകള്‍ക്ക് സെക്കന്‍ഡ്‌ ഷോ അടക്കം അനുവദിച്ച ഇടതുപക്ഷ സര്‍ക്കാര്‍ പക്ഷെ നാടകങ്ങള്‍ വേദി അനുവദിച്ചില്ലെന്ന് മാത്രമല്ല നാടക മേളയായ ഐടിഎഫ്‌ഒകെ നടത്തുകയും ചെയ്യാതിരുന്നതാണ് താരത്തെ പ്രകോപിപ്പിച്ചത്. തനിക്ക് രണ്ടാം തരം പൗരനായി ജീവിക്കാന്‍ താല്‍പര്യമില്ലെന്നും ഹരീഷ് പേരടി പറഞ്ഞു.
-
സിനിമക്ക് സെക്കൻഡ്ഷോ അനുവദിച്ചു...നാടകക്കാരന് മാത്രം വേദിയില്ല..Iffk നടന്നു...Itfok നടന്നില്ല...രണ്ടാംതരം പൗരനായി...
Posted by Hareesh Peradi on Tuesday, March 9, 2021
'സിനിമക്ക് സെക്കൻഡ്ഷോ അനുവദിച്ചു... നാടകക്കാരന് മാത്രം വേദിയില്ല.. ഐഎഫ്‌എഫ്‌കെ നടന്നു... ഐടിഎഫ്‌ഒകെ നടന്നില്ല... രണ്ടാംതരം പൗരനായി ജീവിക്കാൻ എനിക്ക് പറ്റില്ല.... ഇടതുപക്ഷ സർക്കാരിനുള്ള ഏല്ലാ പിന്തുണയും പിൻവലിക്കുന്നു... നാടകക്കാരന് അഭിമാനം ഇല്ലാത്ത ലോകത്ത് ഞാൻ എന്തിന് നിങ്ങളെ പിൻന്തുണക്കണം... ലാൽസലാം...' എന്നാണ് ഹരീഷ് പേരടി കുറിച്ചത്. നാടകത്തിലൂടെ സിനിമാ ജീവിതം ആരംഭിച്ച നടനാണ് ഹരീഷ് പേരടി. താരത്തിന്‍റെ കുറിപ്പ് പ്രത്യക്ഷപ്പെട്ടതോടെ നിരവധി പേര്‍ നിലപാടിലെ കൃത്യതയില്‍ അഭിനന്ദനവുമായി എത്തി.