ആദം വിംഗാർഡ് സംവിധാനം ചെയ്യുന്ന അമേരിക്കൻ മോൺസ്റ്റർ ചിത്രം 'ഗോഡ്സില്ല വേഴ്‌സസ് കോംഗ്' അടുത്ത വർഷം റിലീസ് ചെയ്യും. ഗോഡ്സില്ല: കിംഗ് ഓഫ് ദി മോൺസ്റ്റേഴ്‌സ്, കോംഗ്: സ്‌കൾ ഐലാൻഡ് ചിത്രങ്ങളുടെ തുടർഭാഗമായ പുതിയ ചിത്രം അടുത്ത വർഷം മെയ് 21ന് തിയേറ്ററുകളിലും എച്ച്ബിഒ മാക്‌സിലും പ്രദർശനത്തിന് എത്തും. അലക്സാണ്ടർ സ്‌കാർസ്‌ഗാർഡ്, മില്ലി ബോബി ബ്രൗൺ, റെബേക്ക ഹാൾ എന്നിവരാണ് ചിത്രത്തിലെ പ്രധാന താരങ്ങൾ.
'ഗോഡ്സില്ല വേഴ്‌സസ് കോംഗ്' മെയ് 21ന് റിലീസിനെത്തും - godzilla vs kong release news
ഗോഡ്സില്ല: കിംഗ് ഓഫ് ദി മോൺസ്റ്റേഴ്‌സ്, കോംഗ്: സ്‌കൾ ഐലാൻഡ് ചിത്രങ്ങളുടെ തുടർഭാഗമാണ് ഗോഡ്സില്ല വേഴ്‌സസ് കോംഗ്
ഗോഡ്സില്ല വേഴ്‌സസ് കോംഗ് മെയ് 21ന് റിലീസിനെത്തും
ഗോറില്ലയും മോൺസ്റ്ററും തമ്മിലുള്ള യുദ്ധം പ്രമേയമാക്കി ഒരുക്കുന്ന ഇംഗ്ലീഷ് ചിത്രം മോൺസ്റ്റർ വേഴ്‌സിൽ നിന്നുള്ള നാലാമത്തെ ചിത്രം കൂടിയാണ്. അഞ്ച് വർഷങ്ങൾക്ക് മുമ്പാണ് ഗോഡ്സില്ല വേഴ്‌സസ് കോംഗിന്‍റെ പ്രഖ്യാപനമുണ്ടായത്. ചിത്രത്തിന്‍റെ തിരക്കഥാരചന 2017ൽ ആരംഭിച്ചിരുന്നു. 2018ൽ ചിത്രീകരണം പൂർത്തിയാക്കിയെങ്കിലും കൊവിഡ് പശ്ചാത്തലത്തിൽ ഗോഡ്സില്ല വേഴ്‌സസ് കോംഗിന് ഈ വർഷം പ്രദർശനത്തിന് എത്താൻ സാധിച്ചില്ല. ഇതേ തുടർന്നാണ്, വാർണർ ബ്രോസ് ഒരുക്കുന്ന മോൺസ്റ്റർ ചിത്രം 2021ൽ സമ്മർ റിലീസായി പുറത്തിറക്കുമെന്ന് അണിയറപ്രവർത്തകർ അറിയിച്ചത്.