അർജുൻ സർജയുടെയും എ.ആർ റഹ്‌മാന്‍റെയും എസ്. ശങ്കറെന്ന സംവിധായകന്‍റെയും കൂടാതെ, പ്രഭുദേവ, വടിവേലു തുടങ്ങിയവരുടെയും പ്രശസ്‌തിയിലേക്കുള്ള യാത്രയിൽ 1993ൽ പുറത്തിറങ്ങിയ 'ജെന്‍റിൽമാൻ' എന്ന തമിഴ് ചിത്രമുണ്ട്. പുതുമുഖ സംവിധായകനെയും നവാഗത സാങ്കേതിക വിദഗ്‌ധരെയും അന്ന് മുൻ നിരയിൽ പ്രശസ്‌തനല്ലാതിരുന്ന നടനെയും ഉൾപ്പെടുത്തി, നൂതനസാങ്കേതികവിദ്യയുടെ എല്ലാ സാധുതകളും പരീക്ഷിച്ച് തിയേറ്ററുകളിൽ വിജയം കൊയ്‌ത ചിത്രമായിരുന്നു ജെന്‍റിൽമാൻ. മലയാളിയായ കെ.ടി കുഞ്ഞുമോനായിരുന്നു ദക്ഷിണേന്ത്യ മുഴുവൻ പ്രശസ്‌തിയാർജിച്ച ചിത്രത്തിന്‍റെ നിർമാതാവ്. ഇപ്പോഴിതാ തിരക്കഥയിലും സംഗീതത്തിലും സംവിധാനമികവിലും മികച്ചു നിന്ന സിനിമയുടെ രണ്ടാം ഭാഗത്തിന്‍റെ പ്രഖ്യാപനവുമായി രംഗത്തെത്തിയിരിക്കുകയാണ് നിർമാതാവ്.
-
Happy to announce the sequel for Mega blockbuster Gentleman. #Gentleman2 Produced by...
Posted by K. T. Kunjumon Kunjumon on Thursday, 10 September 2020