Vikram shoot complete: കമല്‍ ഹാസന്‍, വിജയ്‌ സേതുപതി, ഫഹദ്‌ ഫാസില്‍ എന്നിവരെ കേന്ദ്രകഥാപാത്രങ്ങളാക്കി ലോകേഷ്‌ കനകരാജ്‌ ഒരുക്കുന്ന 'വിക്രം' ചിത്രീകരണം പൂര്‍ത്തിയായി. ചിത്രീകരണം പൂര്‍ത്തീകരിച്ച വിവരം ലോകേഷ്‌ കനകരാജ്‌ സോഷ്യല്‍ മീഡിയയിലൂടെ അറിയിക്കുകയായിരുന്നു. ഒപ്പം ഒരു വീഡിയോയും അദ്ദേഹം ആരാധകര്‍ക്കായി പങ്കുവച്ചിട്ടുണ്ട്‌.
ചിത്രത്തില്‍ ഫഹദ്‌ ഫാസില്‍ വെടിയുതിര്‍ക്കുന്ന രംഗമാണ് സംവിധായകന്‍ പങ്കുവച്ചിരിക്കുന്നത്‌. വീഡിയോയ്ക്ക്‌ ഒടുവിലായി ഫഹദും 'വിക്രം' ടീമും ആര്‍ത്തുവിളിക്കുന്നതും കാണാം. ഫഹദിനെ കൂടാതെ മലയാളത്തില്‍ നിന്നും നരേന്‍, കാളിദാസ്‌ ജയറാം എന്നിവും സിനിമയില്‍ അഭിനയിക്കുന്നുണ്ട്‌.
110 days of Vikram shoot: 'വിക്രം' ടീമില്‍ സഹകരിച്ച എല്ലാവര്‍ക്കും നന്ദി പറയാനും സംവിധായകന്‍ മറന്നില്ല. '110 ദിവസം കൊണ്ടാണ്‌ 'വിക്രം' പൂര്‍ത്തീകരിച്ചത്‌. ടീമിന്‌ വേണ്ടി പ്രയത്‌നിച്ച എല്ലാവര്‍ക്കും നന്ദി.' കമല്‍ ഹാസന്‍, വിജയ്‌ സേതുപതി, ഫഹദ്‌ ഫാസില്‍, അനിരുദ്ധ്‌ എന്നിവരെ അദ്ദേഹം ടാഗ്‌ ചെയ്‌തു കൊണ്ട്‌ ട്വിറ്ററില്‍ കുറിച്ചു.