തെന്നിന്ത്യൻ സൂപ്പർ താരത്തിനൊപ്പം ഫഹദ് ഫാസിലുമെത്തുമ്പോള്‍ സ്ക്രീനിൽ അവിസ്‌മരണീയമായ അനുഭവം സമ്മാനിക്കുമെന്ന പ്രതീക്ഷയിലാണ് പ്രേക്ഷകർ. അല്ലു അർജുൻ നായകനാകുന്ന ബഹുഭാഷാചിത്രം പുഷ്‌പയിൽ പ്രതിനായകന്‍റെ വേഷമാണ് ഫഹദിന്. എന്നാൽ, താരത്തിന്‍റെ വില്ലൻ ലുക്ക് ഇതുവരെയും പുഷ്പ ടീം പുറത്തുവിട്ടിരുന്നില്ല.
ഫഹദ് ഫാസിലിന്‍റെ ജന്മദിനമായ ഞായറാഴ്‌ച 'പുഷ്പ'യിലെ്‍ ക്യാരക്‌ടര്‍ പോസ്റ്റര്‍ പങ്കുവച്ചിരിക്കുകയാണ് അണിയറപ്രവർത്തകർ.
തിന്മ ഇത്രയും അപകടകരമായിരുന്നില്ല: പുഷ്പ കാരക്‌ടർ പോസ്റ്റർ
മിഴികളിലൂടെ അഭിനയത്തിന്‍റെ വ്യത്യസ്‌ത തലങ്ങൾ പ്രകടിപ്പിച്ച നടന്‍റെ തീക്ഷ്ണമായ ഒരു കണ്ണാണ് പോസ്റ്ററിൽ കാണിച്ചിരിക്കുന്നത്. ഒപ്പം, 'തിന്മ ഇത്രയും അപകടകരമായിരുന്നില്ല' എന്ന ക്യാപ്ഷനും.