ലാൽ ജോസിന്‍റെ വിക്രമാദിത്യന് ശേഷം ദുൽഖർ സൽമാൻ പൊലീസ് വേഷത്തിലെത്തുന്ന സല്യൂട്ട് സിനിമയുടെ ചിത്രീകരണം പൂർത്തിയായി. ഷൂട്ടിങ് പൂർത്തിയായ സന്തോഷം ദുൽഖർ തന്നെയാണ് സമൂഹമാധ്യമങ്ങളിലൂടെ അറിയിച്ചത്.
"സിനിമയുടെ പാക്ക് അപ്പ്!! അരവിന്ദ് കരുണാകരന് സല്യൂട്ട് നൽകിക്കൊണ്ട് വിട പറയുന്നു. എനിക്ക് ഇങ്ങനെയൊരു അവസരം നൽകിയതിന് റോഷൻ ആൻഡ്രൂസ് ചേട്ടന് നന്ദി. ഞാൻ ചിത്രം ശരിക്കും ആസ്വദിച്ചു." സല്യൂട്ട് ഈ ലോകവുമായി പങ്കിടുന്നതിനായി അതിയായി കാത്തിരിക്കുകയാണെന്നും ദുൽഖർ സൽമാൻ ഫേസ്ബുക്കിൽ കുറിച്ചു.
-
And it’s a wrap!! Bidding adieu to Aravind Karunakaran with a salute. Thank you Rosshan Andrrews chetta for giving me...
Posted by Dulquer Salmaan on Thursday, 8 April 2021
ഫെബ്രുവരി മൂന്നിനാണ് സല്യൂട്ടിന്‍റെ ചിത്രീകരണം ആരംഭിച്ചത്. തിരുവനന്തപുരമായിരുന്നു പ്രധാന ലൊക്കേഷൻ. ചിത്രത്തിൽ ദുൽഖർ എസ്ഐ അരവിന്ദ് കരുണാകരനായി വേഷമിടുന്നു. റോഷൻ ആൻഡ്രൂസ് സംവിധാനം ചെയ്യുന്ന ചിത്രത്തിൽ ബോളിവുഡ് താരം ഡയാന പെന്‍റിയാണ് നായികയാകുന്നത്. മനോജ് കെ. ജയൻ, ലക്ഷ്മി ഗോപാലസ്വാമി എന്നിവരാണ് മറ്റ് പ്രധാന താരങ്ങൾ. മലയാളത്തിലെ പ്രശസ്ത തിരക്കഥാകൃത്തുക്കളായ ബോബി- സഞ്ജയ് ടീം ചിത്രത്തിന്‍റെ രചന നിർവഹിക്കുന്നു. ദുൽഖർ സൽമാന്‍റെ നിർമാണ കമ്പനിയായ വേഫെറര്‍ ഫിലിംസാണ് സല്യൂട്ട് നിർമിക്കുന്നത്.