ധനുഷ് ചിത്രം ജഗമേ തന്തിരത്തിനായി അക്ഷമരായി കാത്തിരിക്കുകയാണ് ആരാധകർ. മലയാളി താരം ഐശ്വര്യ ലക്ഷ്മി നായികയാവുന്ന ചിത്രത്തിലൂടെ ജോജു ജോർജ്ജ് തമിഴിലേക്ക് അരങ്ങേറ്റം കുറിക്കുന്നുവെന്ന പ്രത്യേകതയുമുണ്ട്. കാർത്തിക് സുബ്ബരാജ് സംവിധാനം ചെയ്‌ത ചിത്രത്തിന്‍റെ ട്രെയിലർ പുറത്തിറങ്ങി.
ഗാങ്സ്റ്റർ സുരുളിയായും പ്രഭു എന്ന പക്കാ ധനുഷ് ഗെറ്റപ്പിലുമായി രണ്ട് വേഷങ്ങളിലാണ് നായകൻ എത്തുന്നത്. ഒരു വിജയ് സേതുപതി ഗെറ്റപ്പിലാണ് ട്രെയിലറിൽ ജോജു ജോർജ്ജിനെ അവതരിപ്പിച്ചിരിക്കുന്നത്. ബ്രേവ് ഹാർട്ട്, ട്രോയ് തുടങ്ങിയ ചിത്രങ്ങളിലും ഗെയിം ഓഫ് ത്രോൺസിലെ ലോർഡ് കമാൻഡർ മൊർമോണ്ട് ആയും തിളങ്ങിയ ജെയിംസ് കോസ്മോയും ജഗമേ തന്തിരത്തിൽ മറ്റൊരു സുപ്രധാന കഥാപാത്രമാകുന്നു.