ലക്ഷദ്വീപ് ജനതയ്ക്ക് പിന്തുണ അറിയിച്ചുകൊണ്ടുള്ള പൃഥ്വിരാജിന്‍റെ ശബ്‌ദം വാർത്താമാധ്യമങ്ങളിലും സമൂഹമാധ്യമങ്ങളിലും കയ്യടി നേടിയിരുന്നു. അതേസമയം നടന്‍റെ ഫേസ്ബുക്ക് പോസ്റ്റിനെതിരെ സൈബർ ആക്രമണവും പുരോഗമിക്കുകയാണ്. വ്യക്തിപരമായി അധിക്ഷേപിക്കുന്ന തരത്തിലാണ് പല കമന്‍റുകളും.
ശബരിമല വിഷയത്തിൽ ഒരു സമൂഹം വേദനിച്ചപ്പോൾ എന്തിന് നിശബ്‌ദനായി ഇരുന്നുവെന്ന് സംഘപരിവാർ അനുകൂലികൾ ചോദിക്കുന്നു. ദക്ഷിണേന്ത്യയിലെ ഇംഗ്ലീഷ് വാദകനായ പൃഥ്വിരാജ് സിനിമ മാത്രം നോക്കിയാല്‍ മതി, അറിയാത്ത കാര്യങ്ങളെ കുറിച്ച് സംസാരിക്കേണ്ടെന്നും കമന്‍റുകളുണ്ടായി. ബംഗാൾ കൂട്ടക്കൊലയിൽ മരണപ്പെട്ടവർക്കോ പലസ്‌തീൻ ഭീകരാക്രണണത്തിൽ കൊല്ലപ്പെട്ട മലയാളി നഴ്‌സിനോ അനുശോചനം രേഖപ്പെടുത്താത്തയാളുടെ മുതലക്കണ്ണീർ, കിട്ടിയ കാശിനുള്ള നന്ദി ആണെന്നും ഒരാൾ കമന്‍റ് ചെയ്തു. ഒപ്പം ക്ലീൻ ലക്ഷദ്വീപ് എന്ന ഹാഷ് ടാഗും ചേർത്തിട്ടുണ്ട്.