അവസാനമായി കുളിച്ചതെന്നാണെന്ന് ഓര്‍മയില്ല, ആരാധകരെ ഞെട്ടിച്ച്‌ ലേഡി ഗാഗ

ആരാധകരുമായി സംവദിക്കുന്നതിന് എല്‍ജി 6 എന്ന ഹാഷ് ടാഗോടെയാണ് ഗാഗ ട്വീറ്റ് ചെയ്തത്. തന്‍റെ പുതിയ ആല്‍ബമായ എല്‍ജി 6 പുറത്തിറക്കാനുള്ള തിരക്ക് കൊണ്ടാണ് കുളി ഉപേക്ഷിച്ചതെന്ന് ഗാഗ

ആരാധകരെ ഞെട്ടിച്ച് പോപ് ക്വീന്‍ ലേഡി ഗാഗയുടെ ട്വീറ്റ്. അവസാനമായി കുളിച്ചതെന്നാണെന്ന് ഓര്‍മയില്ലെന്നാണ് ഗാഗ ട്വീറ്റ് ചെയ്തത്. തന്‍റെ പുതിയ ആല്‍ബമായ എല്‍ജി 6 പുറത്തിറക്കാനുള്ള തിരക്ക് കൊണ്ടാണ് കുളി ഉപേക്ഷിച്ചതെന്ന് ഗാഗ തുറന്ന് പറയുന്നു.

അടുത്ത വര്‍ഷമാണ് എല്‍ജി 6 ആല്‍ബം പുറത്തിറങ്ങുക. ഗാഗയുടെ ആറാം ആല്‍ബമാണിത്. ആരാധകരുമായി സംവദിക്കുന്നതിന് എല്‍ജി 6 എന്ന ഹാഷ് ടാഗോടെയാണ് ഗാഗ ട്വീറ്റ് ചെയ്തത്. ഗാഗയുടെ ട്വീറ്റ് മിനിട്ടുകള്‍ക്കുള്ളില്‍ വൈറലായി. നേരത്തെ ലോകാ സമസ്താ സുഖിനോ ഭവന്തുവെന്ന ഗാഗയുടെ ട്വീറ്റും വൈറലായിരുന്നു. യോഗ പഠിച്ചപ്പോഴാണ് തനിക്ക് സംസ്‌കൃതത്തോട് ഇഷ്ടം തോന്നിയതെന്നും താരം അന്ന് വെളിപ്പെടുത്തിയിരുന്നു.