മലയാളത്തിന്‍റെ ബ്ലോക്‌ബസ്റ്റർ ചിത്രം ലൂസിഫറിന്‍റെ തെലുങ്ക് റീമേക്കിൽ സ്റ്റീഫൻ നെടുമ്പള്ളിയായി വേഷമിടുന്നത് ടോളിവുഡ് സൂപ്പർതാരം ചിരഞ്ജീവിയാണ്.
റീമേക്കിന്‍റെ പ്രഖ്യാപനം മുതൽ തെന്നിന്ത്യൻ സിനിമാപ്രേമികൾ ആകാംക്ഷയിലാണ്. മഞ്ജു വാര്യരുടെ പ്രിയദർശിനി രാംദാസിനെ തെലുങ്ക് പതിപ്പിൽ അവതരിപ്പിക്കുന്നത് നയൻതാരയാണെന്നും റിപ്പോർട്ടുകളുണ്ടായിരുന്നു.
ഇപ്പോഴിതാ ചിത്രത്തിലെ മറ്റൊരു പ്രധാന കഥാപാത്രത്തെ കുറിച്ചുള്ള റിപ്പോര്‍ട്ടാണ് പുറത്തുവരുന്നത്. ലൂസിഫറിൽ ബോളിവുഡ് നടൻ വിവേക് ഒബ്‌റോയി അവതരിപ്പിച്ച പ്രതിനായക വേഷം ചെയ്യുന്ന താരത്തെക്കുറിച്ചാണ് പുതിയ വാർത്ത.
പ്രിയദർശിനിയുടെ രണ്ടാം ഭർത്താവ് ബോബിയെ തെലുങ്കിൽ അവതരിപ്പിക്കുന്നത് മലയാളത്തിന്‍റെ പ്രിയങ്കരനായ ബിജു മേനോനാണ്.