ടെലിവിഷൻ പരമ്പരയിലൂടെ ശ്രദ്ധേയമായി മലയാള സിനിമയിലെത്തി പ്രശസ്‌തയായ താരമാണ് ആശാ ശരത്. തനിക്ക് പിന്നാലെ മകൾ ഉത്തര ശരത്തും സിനിമാപ്രവേശനം നടത്തിയ സന്തോഷത്തിലാണ് ഈ അമ്മ. സംസ്ഥാന പുരസ്‌കാരം നേടിയ ‘കെഞ്ചിര’യുടെ സംവിധായകന്‍ മനോജ് കാനയുടെ പുതിയ ചിത്രം ‘ഖെദ്ദ’യിലൂടെയാണ് ഉത്തര അഭിനയത്തിലേക്ക് കടക്കുന്നത്. ഇപ്പോഴിതാ, മകളുടെ ജന്മദിനത്തിൽ ആശ ശരത് കുറിച്ച ഫേസ്‌ബുക്ക് പോസ്റ്റാണ് സമൂഹമാധ്യമങ്ങളും ഏറ്റെടുത്തിരിക്കുന്നത്.
-
My vava, my Panku, is now a grown up girl and is now taking her baby steps in her career. But for me you are still that...
Posted by Asha sharath on Tuesday, 24 November 2020
"എന്‍റെ വാവ, എന്‍റെ പങ്കു, അവളിപ്പോൾ വളർന്നു, കരിയറിലേക്ക് തന്‍റെ ചെറിയ ചുവട് വക്കുകയാണ്. പക്ഷേ, എനിക്ക് നീ എപ്പോഴും ഞങ്ങളുടെ ജീവിതത്തെ അർത്ഥവത്താക്കാൻ ഭൂമിയിലെത്തിയ ആ കൊച്ചുകുഞ്ഞാണ്. എല്ലായ്‌പ്പോഴും എന്‍റെ ഭാഗമായവളെ, എന്‍റെ ഹൃദയത്തോട് ചേർത്തു പിടിക്കുന്നു. ജീവിതത്തെ ലളിതമായും ആത്മവിശ്വാസത്തോടെയും നേരിടുക. ആത്മവിശ്വാസത്തോടെയും അഭിനിവേശത്തോടെയും സ്നേഹത്തോടെയും അനുകമ്പയോടെയും നിന്‍റെ പാതയൊരുക്കുക. ഞങ്ങൾ നിനക്ക് പിന്നിലുണ്ട്, നിന്‍റെ ഉറക്കത്തിലും ഉണർവിലും നിനക്ക് കരുതലായി.… ജന്മദിനാശംസകൾ സ്വീറ്റ് ഹാർട്ട്… ഉത്തര, എന്‍റെ പങ്കു... നിന്നെ ഒരുപാട് സ്നേഹിക്കുന്നു," ആശ ശരത് ഫേസ്‌ബുക്കിൽ കുറിച്ചു.