അങ്കമാലി ഡയറീസിലൂടെ മലയാള സിനിമയിൽ ഇടംപിടിച്ച നടനാണ് അപ്പാനി ശരത്. സഹതാരമായും പ്രതിനായകവേഷങ്ങളിലും തിളങ്ങുന്ന യുവനടൻ ചാരം എന്ന സിനിമയിലൂടെ നായകനായും തിരക്കഥാകൃത്തായും മികവ് തെളിയിക്കാനൊരുങ്ങുകയാണ്. മണിരത്നത്തിന്‍റെ ചെക്കാ ചിവന്ത വാനത്തിലൂടെ തമിഴകത്തും ശരത് ചുവടുവച്ചു കഴിഞ്ഞു.
@ the Chennai international Film festival premier show of my Latest Tamil Movie "AMALA" Thanks to everyone and the...
Posted by Sarath Appani on Saturday, 27 February 2021
അപ്പാനി ശരതും അനാർക്കലി മരക്കാറും മുഖ്യവേഷത്തിലെത്തിയ അമല ചെന്നൈ രാജ്യാന്തര ചലച്ചിത്രമേളയിലേക്ക് തെരഞ്ഞെടുത്തുവെന്ന സന്തോഷം മുമ്പ് നടൻ സമൂഹമാധ്യമങ്ങളിലൂടെ പങ്കുവെച്ചിരുന്നു. ഇപ്പോഴിതാ, മേളയിൽ പ്രദർശിപ്പിച്ച ശേഷം ഗംഭീര പ്രതികരണമാണ് സിനിമക്ക് ലഭിക്കുന്നതെന്ന് ഫേസ്ബുക്കിലൂടെ ശരത് അറിയിച്ചു.
നിഷാദ് ഇബ്രാഹിം സംവിധാനം ചെയ്‌ത സൈക്കോളജിക്കല്‍ ത്രില്ലര്‍ ചിത്രമാണ് അമല. സിനിമക്ക് പ്രോത്സാഹനം നൽകിയ എല്ലാവർക്കും നന്ദി അറിയിക്കുന്നതിനൊപ്പം തമിഴ്, തെലുങ്ക് ഭാഷകളിൽ ഉടൻ ചിത്രം പുറത്തിറങ്ങുമെന്നും അപ്പാനി ശരത് വ്യക്തമാക്കി. ഒപ്പം ചലച്ചിത്രമേളയിൽ നിന്നും അനാർക്കലിക്കൊപ്പമുള്ള ചിത്രങ്ങളും താരം പങ്കുവെച്ചു.