'അജഗജാന്തര'വുമായി ആന്‍റണി പെപ്പെ ഫെബ്രുവരി 26ന് എത്തും

നടൻ ടൊവിനോ തോമസാണ് ഫേസ്‌ബുക്ക്, ഇൻസ്റ്റഗ്രാം പേജിലൂടെ ചിത്രത്തിന്‍റെ ഫസ്റ്റ് ലുക്ക് പോസ്റ്റർ പുറത്തുവിട്ടു. ഫെബ്രുവരി 26ന് അജഗജാന്തരം തിയേറ്ററുകളിലെത്തും.

ജല്ലിക്കട്ടിലും അങ്കമാലി ഡയറീസിലൂടെയും മികച്ച അഭിനയം കാഴ്‌ചവെച്ച ആന്‍റണി വർഗീസ് നായകനാകുന്ന പുതിയ ചിത്രമാണ് 'അജഗജാന്തരം'. സ്വാതന്ത്ര്യം അർദ്ധരാത്രിയിൽ ചിത്രത്തിന്‍റെ സംവിധായകൻ ടിനു പാപ്പച്ചൻ ഒരുക്കുന്ന സിനിമയുടെ ഫസ്റ്റ് ലുക്ക് പോസ്റ്റർ പുറത്തുവിട്ടു. നടൻ ടൊവിനോ തോമസാണ് ഫേസ്‌ബുക്ക്, ഇൻസ്റ്റഗ്രാം പേജിലൂടെ പോസ്റ്റർ റിലീസ് ചെയ്‌തത്.

• Unveiling the first look of #Ajagajantharam, starring Antony Varghese... directed by Tinu Pappachan.. Best wishes to the entire team!! 👍🏼😊

  Posted by Tovino Thomas on Sunday, 17 January 2021

കിച്ചു ടെല്ലസ്, വിനീത് വിശ്വം എന്നിവരാണ് അജഗജാന്തരത്തിന്‍റെ തിരക്കഥ തയ്യാറാക്കിയത്. ആന്‍റണി പെപ്പെക്കൊപ്പം അർജുൻ അശോകനും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. ആക്ഷനും നർമവും കലർത്തിയാണ് സിനിമയുടെ വിവരണം.

ചെമ്പൻ വിനോദ് ജോസ്, ജാഫർ ഇടുക്കി, രാജേഷ് ശർമ, സാബു മോൻ, ടിറ്റോ വിൽസൺ, സുധി കോപ്പ, വിനീത് വിശ്വം, സിനോജ് വർഗീസ്, കിച്ചു ടെല്ലസ്, ലുക്മാൻ, ശ്രീരഞ്ജിനി എന്നിവരാണ് മറ്റ് പ്രധാന താരങ്ങൾ. സിൽവർ ബേ പ്രൊഡക്ഷൻസിന്‍റെ ബാനറിൽ എമ്മാനുവൽ ജോസഫും അജിത് തലാപ്പിള്ളിയും ചേർന്ന് അജഗജാന്തരം നിർമിക്കുന്നു. ഫെബ്രുവരി 26ന് ചിത്രം തിയേറ്ററുകളിലൂടെ റിലീസ് ചെയ്യും.