സില്‍ക്ക് സ്മിതയായി അഭിനയിക്കുമെന്ന വാർത്തകൾ നിഷേധിച്ച്‌ നടി അനസൂയ ഭരദ്വാജ്. സില്‍ക്ക് സ്‌മിതയുടെ ജീവിതം പ്രമേയമാക്കി വരുന്ന പുതിയ തമിഴ് സിനിമയിൽ തെലുങ്ക് താരം ടൈറ്റിൽ റോളിലെത്തുമെന്ന് വാർത്തകൾ പ്രചരിച്ചിരുന്നു. എന്നാൽ, താൻ സിൽക്കായി ഒരു ബയോപിക്കിലും അഭിനയിക്കുന്നില്ലെന്ന് നടി തന്നെ സമൂഹമാധ്യമങ്ങളിലൂടെ അറിയിച്ചു.
സിൽക്കായി ഒരു സിനിമയിലും അഭിനയിക്കുന്നില്ലെന്ന് അനസൂയ ഭരദ്വാജ് - anasuya bharadwaj silk smita news
'അവള്‍ അപ്പടിതാന്‍' എന്ന ടൈറ്റിലിൽ ഒരുങ്ങുന്ന സിനിമയിൽ അനസൂയ ഭരദ്വാജ് സിൽക്കായി വേഷമിടുന്നെന്ന് വാർത്തകൾ പ്രചരിച്ചിരുന്നു. എന്നാൽ, ഈ വാർത്തകൾ നടി ട്വിറ്ററിലൂടെ നിഷേധിച്ചു
സിൽക്കായി ഒരു സിനിമയിലും അഭിനയിക്കുന്നില്ലെന്ന് അനസൂയ ഭരദ്വാജ്
"ഞാൻ സില്‍ക്ക് സ്മിതയായി ഒരു ബയോപിക്കിലും അഭിനയിക്കുന്നില്ല, നന്ദി," എന്നാണ് അനസൂയ ട്വിറ്ററിലൂടെ അറിയിച്ചത്. കെ.എസ് മണികണ്‌ഠന്‍ സംവിധാനം ചെയ്യുന്ന 'അവള്‍ അപ്പടിതാന്‍' എന്ന ടൈറ്റിലിൽ ഒരുങ്ങുന്ന സിനിമ ഗായത്രി ഫിലിംസിന്‍റെ ബാനറില്‍ ചിത്ര ലക്ഷ്മണനും മുരളി സിനി ആർട്‌സിന്‍റെ ബാനറില്‍ മുരളിയും ചേര്‍ന്ന് നിർമിക്കുന്നു.