ഓൺലൈൻ വിദ്യാഭ്യാസത്തിൽ സാമ്പത്തികമായി ബുദ്ധിമുട്ട് നേരിടുന്ന വിദ്യാർഥികൾക്ക് കൈത്താങ്ങായി മലയാള സിനിമ താരസംഘടന അമ്മ. ‘ഒപ്പം അമ്മയും’ എന്ന പദ്ധതിയിലൂടെ നിർധനരായ കുട്ടികൾക്ക് വിദ്യാഭ്യാസ പഠന സഹായമൊരുക്കുകയാണ് സംഘടന. 'ഫോൺ 4 നിങ്ങളോടൊപ്പം എന്നും' ടാഗ്‌ലൈനിലുള്ള അമ്മയുടെ വിദ്യാഭ്യാസ പദ്ധതിയെ കുറിച്ച് പൃഥ്വിരാജാണ് ഫേസ്‌ബുക്കിലൂടെ അറിയിച്ചത്.
കേരളത്തിൽ ഇപ്പോഴും ഓൺലൈൻ പഠനത്തിന് സൗകര്യം ലഭിക്കാത്ത അർഹരായ വിദ്യാർഥികളെ കണ്ടെത്തി 100 ടാബുകൾ ആദ്യ ഘട്ടത്തിൽ നൽകുവാനാണ്‌ സംഘടന തീരുമാനിച്ചുട്ടുള്ളത്. ജൂലൈ അവസാന വാരത്തോടെ ആദ്യഘട്ടം പൂർത്തിയാകും. ഇതിനായി ഇലക്‌ട്രോണിക് ശൃംഖലയിലുള്ള പ്രശസ്ത സ്ഥാപനമായ ഫോൺ4മായി സഹകരിച്ചാണ് പദ്ധതി നടപ്പിലാക്കുന്നത്.
അപേക്ഷകൾ അയക്കേണ്ട വിധം