കുഞ്ചാക്കോ ബോബന്‍, വിനീത് ശ്രീനിവാസന്‍, കൃഷ്ണ ശങ്കര്‍, വിനയ്‌ ഫോര്‍ട്ട്, ഷറഫുദ്ദീന്‍... മലയാളത്തിന്‍റെ പ്രിയപ്പെട്ട യുവതാരങ്ങളിലൂടെ അച്ഛനും മക്കളും തമ്മിലുള്ള സ്‌നേഹബന്ധത്തെ മ്യൂസിക് വീഡിയോയായി അവതരിപ്പിച്ചിരിക്കുകയാണ് സംവിധായകൻ അല്‍ഫോണ്‍സ് പുത്രന്‍. വിനീത് ശ്രീനിവാസനാണ് ''കഥകൾ ചൊല്ലിടാം'' എന്ന വീഡിയോ ഗാനം എഴുതി ആലപിച്ചിരിക്കുന്നത്. ഹിഷാം അബ്ദുല്‍ വഹാബാണ് ഗാനം ചിട്ടപ്പെടുത്തിയിരിക്കുന്നത്.
വിനീതും കുഞ്ചാക്കോ ബോബനും കൃഷ്ണ ശങ്കറും വിനയ്‌ ഫോര്‍ട്ടും ഷറഫുദ്ദീനും അവരുടെ മക്കൾക്കൊപ്പം ചെലവഴിക്കുന്ന നിമിഷങ്ങളാണ് വീഡിയോയിൽ കാണിക്കുന്നത്. വീഡിയോ ഗാനത്തിന്‍റെ എഡിറ്റർ അൽഫോൺസ് പുത്രൻ തന്നെയാണ്. സംവിധായകന്‍റെ ഭാര്യ അലീന മേരി അൽഫോൺസും എഡിറ്റിങ് അസിസ്റ്റന്‍റായി മ്യൂസിക് വീഡിയോയുടെ ഭാഗമാകുന്നു.