മലയാളികളുടെ സ്വകാര്യ അഹങ്കാരമാണ് മെഗാസ്‌റ്റാര്‍ മമ്മൂട്ടി. നടന്‍റെ നവരസങ്ങളാണിപ്പോള്‍ സോഷ്യല്‍ മീഡിയയില്‍ ശ്രദ്ധേയമാവുന്നത്‌. നടന്‍ അജു വര്‍ഗീസ്‌ ആണ് മമ്മൂട്ടിയുടെ നവ രസങ്ങള്‍ ഫേസ്‌ബുക്കില്‍ പങ്കുവച്ചിരിക്കുന്നത്‌.
Mammootty different face expressions: ശൃംഗാരം, ഹാസ്യം, കരുണം, രൗദ്രം, വീരം, ഭയാനകം, ഭീഭത്സം, ശാന്തം എന്നീ നവരസങ്ങള്‍ പ്രതിഫലിപ്പിക്കുന്ന മമ്മൂട്ടിയുടെ വീഡിയോ സോഷ്യല്‍ മീഡിയയില്‍ ട്രെന്‍ഡായിരിക്കുകയാണിപ്പോള്‍. മമ്മൂട്ടിയുടെ പല സിനിമകളിലെ കഥാപാത്രങ്ങളെ കൂട്ടിയിണക്കിയാണ് വീഡിയോ തയ്യാറാക്കിയിരിക്കുന്നത്‌. തമിഴ്‌ ആന്തോളജി ചിത്രം നവരസയുടെ സംഗീതമാണ് വീഡിയോക്ക്‌ നല്‍കിയിരിക്കുന്നത്‌.
Also Read: കത്രിക തൊടാതെ 'പുഴു' സെന്‍സറിങ്‌ ; ക്ലീന്‍ യു
'മാജിക്കല്‍' എന്ന തലക്കെട്ടോടുകൂടിയാണ് അജു വര്‍ഗീസ്‌ വീഡിയോ പങ്കുവച്ചിരിക്കുന്നത്‌. വീഡിയോ നിമിഷ നേരം കൊണ്ട്‌ വൈറലാവുകയായിരുന്നു. നിരവധി പേര്‍ വീഡിയോക്ക്‌ രസകരമായ കമന്‍റുകളും ചെയ്‌തിട്ടുണ്ട്‌.
'ആര്‍ത്തി..പണത്തിനോടല്ല... സിനിമയോട്‌.. അഭിനയത്തോട്‌', 'കരുണത്തില്‍ മമ്മൂക്ക മാസാണ്.. പക്ഷേ മറ്റുള്ള രസങ്ങളില്‍ ലാലേട്ടന്‍റെ ഏഴയലത്ത്‌ വയ്ക്കാന്‍ സാധിക്കില്ല..', 'മമ്മൂക്കയ്‌ക്ക്‌ തുല്യം മമ്മൂക്ക മാത്രം', 'ഏട്ടന്‍ ഗവേഷണത്തില്‍ കണ്ടെത്തിയ രസങ്ങള്‍ വേറെയുമുണ്ട്‌' 'എംജി അണ്ണന്‍റെ പാട്ടിന്‌ ചുണ്ടനക്കാന്‍ പറ്റുമോ? ഇല്ലേല്‍ വിട്ടോ' തുടങ്ങി രസകരമായ കമന്‍റുകളാണ് വീഡിയോക്ക്‌ താഴെ വരുന്നത്.
Mammootty latest movies : സിബിഐ 5 ആണ് മമ്മൂട്ടി നിലവില്‍ അഭിനയിച്ചുകൊണ്ടിരിക്കുന്ന ചിത്രം. 'ഭീഷ്‌മ പര്‍വ്വം', 'നന്‍പകല്‍ നേരത്ത്‌ മയക്കം', 'ബിലാല്‍', 'പുഴു' എന്നിവയാണ് വരാനിരിക്കുന്ന മമ്മൂട്ടിയുടെ മറ്റ് ചിത്രങ്ങള്‍.
