'നിങ്ങളിലെ നടന്‍ ശരിക്കുമൊരു വൂള്‍ഫ്' ; ഇര്‍ഷാദിന്‍റെ പ്രകടനത്തെ പ്രശംസിച്ച് വിഷ്ണു ഉണ്ണികൃഷ്ണന്‍

ജോ എന്ന കഥാപാത്രത്തെയാണ് ഇര്‍ഷാദ് വൂള്‍ഫില്‍ അവതരിപ്പിച്ചിരിക്കുന്നത്. ഷാജി അസീസാണ് സംവിധായകന്‍. ജി.ആര്‍ ഇന്ദുഗോപന്‍റെ 'ചെന്നായ' എന്ന ചെറുകഥയെ ആസ്‍പദമാക്കിയാണ് ചിത്രം.

വൂള്‍ഫ് എന്ന ചിത്രത്തിലെ, നടന്‍ ഇര്‍ഷാദിന്‍റെ പ്രകടനത്തെ അഭിനന്ദിച്ച് വിഷ്ണു ഉണ്ണികൃഷ്ണന്‍. പൂണ്ട് വിളയാടാൻ ഒരു അവസരം കിട്ടിയാൽ ആക്രമണം അഴിച്ച് വിടുന്നൊരു ചെന്നായയാണ് ഇര്‍ഷാദിന്‍റെ ഉള്ളിലെ നടന്‍ എന്നാണ് വിഷ്ണു ഉണ്ണികൃഷ്ണന്‍ ഫേസ്‌ബുക്കില്‍ കുറിച്ചത്. 'ഇർഷാദ് ഇക്കാ, നിങ്ങളിലെ നടൻ ശരിക്കും ഒരു വൂള്‍ഫ് തന്നെയാണ്. പൂണ്ട് വിളയാടാൻ ഒരു അവസരം കിട്ടിയാൽ ആക്രമണം അഴിച്ചുവിടുന്നൊരു വൈല്‍ഡ് വൂള്‍ഫ്, കലക്കിയിട്ടുണ്ട്ട്ടാ, ഇര്‍ഷാദ്‌ക്കയ്‌ക്കും വൂള്‍ഫ് സിനിമ അണിയറപ്രവര്‍ത്തകര്‍ക്കും ആശംസകള്‍' - വിഷ്ണു ഉണ്ണികൃഷ്ണന്‍ കുറിച്ചു.

• ഇർഷാദ് ഇക്കാ, നിങ്ങളിലെ നടൻ ശരിക്കും ഒരു WOLF തന്നെയാണ്. പൂണ്ട് വിളയാടാൻ ഒരു അവസരം കിട്ടിയാൽ ആക്രമണം അഴിച്ചു വിടുന്നൊരു...

  Posted by Vishnu Unnikrishnan on Tuesday, April 20, 2021

ജോ എന്ന കഥാപാത്രത്തെയാണ് ഇര്‍ഷാദ് വൂള്‍ഫില്‍ അവതരിപ്പിച്ചിരിക്കുന്നത്. ഇര്‍ഷാദിന്‍റെ കരിയര്‍ ബെസ്റ്റ് പ്രകടനമെന്നാണ് സിനിമ കണ്ടവര്‍ വിലയിരുത്തുന്നത്. ലോക്ക് ഡൗണ്‍ പശ്ചാത്തലത്തിലാണ് വൂള്‍ഫ് കഥ പറയുന്നത്. ഷാജി അസീസാണ് സിനിമയുടെ സംവിധായകന്‍. ജി.ആര്‍ ഇന്ദുഗോപന്‍റെ 'ചെന്നായ' എന്ന ചെറുകഥയെ ആസ്‍പദമാക്കിയാണ് ചിത്രം എടുത്തിരിക്കുന്നത്. തിരക്കഥയും സംഭാഷണവും രചിച്ചിരിക്കുന്നതും ഇന്ദുഗോപനാണ്.

അര്‍ജുന്‍ അശോകന്‍, സംയുക്ത മേനോന്‍, ഷൈന്‍ ടോം ചാക്കോ, ജാഫര്‍ ഇടുക്കി എന്നിവരാണ് ഇര്‍ഷാദിന് പുറമെ മറ്റ് പ്രധാന വേഷങ്ങളിലെത്തിയത്. ദാമര്‍ സിനിമയുടെ ബാനറില്‍ സന്തോഷ് ദാമോദരനാണ് നിര്‍മാണം. ഫൈസ് സിദ്ദിഖാണ് ഛായാഗ്രഹണം. ഹരിനാരായണന്‍ ഗാനങ്ങള്‍ എഴുതിയിരിക്കുന്നു. ടെലിവിഷന്‍ പ്രീമിയറായാണ് സിനിമ പ്രേക്ഷകരിലേക്ക് എത്തിയത്.