കാഴ്ച്ചക്കാരെ മുള്‍മുനയില്‍ നിര്‍ത്തിയാണ് ഒന്നാം ഭാഗത്തിനോട് കിടപിടിക്കുന്ന തരത്തില്‍ ദൃശ്യത്തിന്‍റെ രണ്ടാംഭാഗവും സംവിധായകന്‍ ജീത്തു ജോസഫ് ഒരുക്കിയത്. മികച്ച സ്വീകാര്യതയാണ് ജനങ്ങള്‍ക്കിടയില്‍ സിനിമയ്‌ക്ക് ലഭിക്കുന്നത്. ഫെബ്രുവരി 18 അര്‍ധരാത്രി മുതല്‍ ആമസോണ്‍ പ്രൈമില്‍ സ്ട്രീം ചെയ്‌ത് തുടങ്ങിയ ദൃശ്യം 2വിന് ലഭിച്ച സ്വീകാര്യതയില്‍ നന്ദി അറിയിച്ചിരിക്കുകയാണ് നടന്‍ മോഹന്‍ലാലിപ്പോള്‍. തന്‍റെ ചിത്രത്തിന് ലഭിച്ച വരവേല്‍പ്പിനും പിന്തുണയ്ക്കും നന്ദി അറിയിക്കുന്നുവെന്നാണ് മോഹന്‍ലാല്‍ പ്രതികരിച്ചത്. ആളുകളുടെ അകമഴിഞ്ഞ സ്നേഹത്തിന് നന്ദി അറിയിച്ച അദ്ദേഹം ഈ സ്നേഹവും പിന്തുണയുമാണ് കൂടുതല്‍ മികച്ചതാകാന്‍ പ്രചോദനം നല്‍കുന്നതെന്നും ഫേസ്ബുക്കില്‍ കുറിച്ചു.
-
Overwhelmed and overjoyed by the tremendous response to Drishyam 2. Am touched by the fact that so many of you have...
Posted by Mohanlal on Friday, 19 February 2021