സൗബിന്‍റെ കിടിലന്‍ പ്രകടനവും ജോണ്‍പോള്‍ എന്ന സംവിധായകന്‍റെ മാജിക്കും ചേർന്ന അമ്പിളിയുടെ ടീസര്‍ പുറത്തുവിട്ടപ്പോള്‍ മുതല്‍ പ്രേക്ഷകര്‍ ഈ ചിത്രത്തിന് ഒപ്പമുണ്ടായിരുന്നു. തീയേറ്ററുകളില്‍ പ്രദര്‍ശനത്തിനെത്തിയപ്പോഴും പിന്തുണയോടെ കൂടെ നിന്നു സിനിമാപ്രേമികള്‍. അമ്പിളിയിലെ ഗാനങ്ങള്‍ എല്ലാം വൈറലാണ്. ആരാധികേ എന്ന മെലഡിക്കായിരുന്നു കൂടുതല്‍ ആസ്വാദകര്‍. ലിറിക്കല്‍ വീഡിയോ പുറത്തിറങ്ങിയപ്പോള്‍ മുതല്‍ വീഡിയോയ്ക്കുള്ള കാത്തിരിപ്പായിരുന്നു.
വീഡിയോ പുറത്തുവിട്ട് അമ്പിളിയുടെ അണിയറക്കാര്‍; ആരാധികേ.... ട്രെന്‍റിങില്‍
ഗപ്പിക്ക് ശേഷം ജോണ്‍പോള്‍ തിരക്കഥയും സംവിധാനവും നിര്‍വ്വഹിച്ച ചിത്രമാണ് അമ്പിളി. വിനായക് ശശികുമാറാണ് ഗാനത്തിന്‍റെ വരികള്‍ എഴുതിയത്
മനംകവര്‍ന്ന ഗാനത്തിന്‍റെ വീഡിയോ പുറത്തുവിട്ട് അമ്പിളി അണിയറക്കാര്‍; ആരാധികേ.... ട്രെന്‍റിംങില്‍
അവസാനം അണിയറക്കാര്‍ സസ്പെന്‍സ് പൊളിച്ച് വീഡിയോ ഗാനം പുറത്തുവിട്ടു. പാട്ട് പോലെ മനോഹരമാണ് ദൃശ്യങ്ങളുമെന്നാണ് ആസ്വാദകരുടെ അഭിപ്രായം. അമ്പിളിയും അമ്പിളിക്ക് പ്രിയപ്പെട്ടവളുമാണ് പാട്ടില്‍ നിറഞ്ഞുനില്‍ക്കുന്നത്. ഗപ്പിക്ക് ശേഷം ജോണ്‍പോള്‍ തിരക്കഥയും സംവിധാനവും നിര്‍വ്വഹിച്ച ചിത്രമാണ് അമ്പിളി. വിനായകന് ശശികുമാറാണ് ഗാനത്തിന്‍റെ വരികള്‍ എഴുതിയത്. വിഷ്ണു വിജയാണ് സംഗീത സംവിധാനം. സൂരജ് സന്തോഷ്, മധുവന്തി നാരായണ്‍ എന്നിവരാണ് പാട്ട് പാടിയിരിക്കുന്നത്.