96 movie second part is confirmed: തെന്നിന്ത്യന്‍ സൂപ്പര്‍ താരങ്ങളായ വിജയ്‌ സേതുപതിയും തൃഷയും ഒന്നിച്ചെത്തിയ റൊമാന്‍റിക്‌ ചിത്രമാണ് 96. സി.പ്രേം കുമാര്‍ സംവിധാനം ചെയ്‌ത ചിത്രം വന്‍ വിജയം നേടിയിരുന്നു. ഇപ്പോള്‍ 96ന് രണ്ടാം ഭാഗം വരുന്നതായാണ് റിപ്പോര്‍ട്ടുകള്‍.
തമിഴ്‌ പിആര്‍ഒ ക്രിസ്‌റ്റഫര്‍ കനകരാജ്‌ ആണ് ഇക്കാര്യം ആരാധകരെ അറിയിച്ചിരിക്കുന്നത്‌. സി പ്രേം കുമാര്‍ തന്നെയാണ് ചിത്രത്തിന്‍റെ രണ്ടാം ഭാഗവും ഒരുക്കുന്നത്. രണ്ടാം ഭാഗം തിരക്കഥയ്‌ക്ക്‌ വിജയ്‌ സേതുപതി സമ്മതം മൂളിയതായും റിപ്പോര്‍ട്ടുകളുണ്ട്‌.
അതേസമയം ക്രിസ്‌റ്റഫര്‍ കനകരാജിന്‍റെ പോസ്‌റ്റിന്‌ താഴെ വന്ന കമന്‍റുകള്‍ അണിയറപ്രവര്‍ത്തകരില്‍ നിരാശയുണ്ടാക്കിയിരിക്കുകയാണ്. 96ന് രണ്ടാം ഭാഗത്തിന്‍റെ ആവശ്യം ഇല്ല എന്നും ചിത്രം നല്ല രീതിയിലാണ് അവസാനിച്ചതെന്നും അതില്‍ ഇനിയും പുന:സൃഷ്‌ടിയുടെ ആവശ്യമില്ലെന്നുമാണ് പ്രേക്ഷക പ്രതികരണം. കൂടുതല്‍ പേരുടെയും അഭിപ്രായം 96ന് രണ്ടാം ഭാഗത്തിന്‍റെ ആവശ്യമില്ല എന്നാണ്.