ബോളിവുഡിലേക്ക് രണ്ടാം വരവിനൊരുങ്ങി മലയാളത്തിൻ്റെ പ്രിയതാരം ദുൽഖർ സൽമാൻ. കഴിഞ്ഞ വർഷം പുറത്തിറങ്ങിയ കർവാൻ ആയിരുന്നു ദുൽഖറിൻ്റെ ആദ്യ ബോളിവുഡ് ചിത്രം. അഭിഷേക് ശർമ സംവിധാനം ചെയ്യുന്ന 'സോയാ ഫാക്ടറി'ലൂടെ താരം വീണ്ടും ബോളിവുഡിൻ്റെ മനം കവരാൻ ഒരുങ്ങുകയാണ്. സോനം കപൂർ ആണ് ചിത്രത്തിൽ നായികയായെത്തുന്നത്.
ജൂണ്‍ 14നാണ് ചിത്രം പ്രദർശനത്തിനെത്തുന്നത്. അഭിഷേക് ശർമ സംവിധാനം ചെയ്യുന്ന ചിത്രത്തിൽ ക്രിക്കറ്റ് താരമായിട്ടാണ് ദുൽഖർ വേഷമിടുന്നത്. അനുജ ചൗഹാൻ്റെ സോയ ഫാക്റ്റര്‍ എന്ന പുസ്തകത്തെ അടിസ്ഥാനമാക്കിയുള്ളതാണ് ചിത്രം. ഇർഫാൻ ഖാൻ, മിഥില പാൽക്കർ എന്നിവരോടൊപ്പം ദുൽഖറും പ്രധാന വേഷത്തിലെത്തിയ കർവാൻ മികച്ച പ്രതികരണം നേടിയിരുന്നു.