സുജിത് ലാൽ സംവിധാനം ചെയ്യുന്ന പുതിയ ചിത്രം 'രണ്ടി'ന്‍റെ ഫസ്റ്റ് ലുക്ക് പോസ്റ്റർ പുറത്തിറക്കി. പ്രജീവ് സത്യവ്രതൻ നിർമിക്കുന്ന ചിത്രത്തിൽ വിഷ്‌ണു ഉണ്ണിക്കൃഷ്ണനാണ് കേന്ദ്ര കഥാപാത്രത്തെ അവതരിപ്പിക്കുന്നത്. മലയാളത്തിന്‍റെ സൂപ്പർതാരങ്ങളായ മമ്മൂട്ടി, മോഹൻലാൽ എന്നിവർ ചേർന്നാണ് ചിത്രത്തിന്‍റെ ഫസ്റ്റ് ലുക്ക് റിലീസ് ചെയ്‌തത്.
-
രണ്ട് - First Look Poster... Best wishes to the entire team.
Posted by Mammootty on Wednesday, 1 July 2020
ബിനുലാൽ ഉണ്ണി രണ്ടിന്‍റെ രചന നിർവഹിച്ചിരിക്കുന്നു. അന്ന രേഷ്‌മരാജൻ, ഇന്ദ്രൻസ്, ടിനി ടോം, ഇർഷാദ്, സുധി കോപ്പ, കലാഭവൻ റഹ്മാൻ, അനീഷ് ജി. മേനോൻ മാലാ പാർവതി, നവാസ് വള്ളിക്കുന്ന്, സ്വരാജ് ഗ്രാമിക എന്നിവരാണ് ചിത്രത്തിലെ മറ്റു താരങ്ങൾ. റഫീക്ക് അഹമ്മദിൻ്റെ വരികൾക്ക് എം. ജയചന്ദ്രൻ സംഗീതം ഒരുക്കുന്നു. രജിഷ വിജയൻ അഭിനയിച്ച ഫൈനൽസിന്‍റെ വിജയത്തിന് ശേഷം ഹെവൻലി മൂവീസിൻ്റെ ബാനറിൽ പ്രജീവ് സത്യവ്രതൻ നിർമിക്കുന്ന പുതിയ ചിത്രമാണിത്. അനീഷ് ലാലാണ് രണ്ടിന്‍റെ ഛായാഗ്രാഹകൻ. മനോജ് കണ്ണോത്ത് ആണ് എഡിറ്റർ.