96ലെ നായിക സണ്ണി വെയിനൊപ്പം; അനുഗ്രഹീതന്‍ ആന്‍റണിയിലെ സോങ് ടീസർ പുറത്ത്

സണ്ണി വെയിനും ഗൗരി ജി. കിഷനും പ്രധാന വേഷത്തിലെത്തുന്ന 'അനുഗ്രഹീതന്‍ ആന്‍റണി അടുത്ത വർഷം ആദ്യം തിയേറ്ററുകളിലെത്തും.

സണ്ണി വെയിനിനൊപ്പം 96 സിനിമയിലൂടെ പ്രേക്ഷക മനസ്സിലിടം നേടിയ ഗൗരി ജി. കിഷനും. പ്രിന്‍സ് ജോയി സംവിധാനം ചെയ്യുന്ന 'അനുഗ്രഹീതന്‍ ആന്‍റണി' യിലെ സോങ് ടീസർ എത്തി. ഹരിശങ്കർ പാടിയ "കാമിനീ..." എന്ന ഗാനത്തിന്‍റെ ടീസറാണ് പുറത്തിറങ്ങിയത്. വിനീത് ശ്രീനിവാസന്‍ തന്‍റെ ഫേസ്ബുക്ക് പേജിലൂടെയാണ് ഗാനം റിലീസ് ചെയ്തത്. മനു മഞ്ജിത്തിന്‍റെ വരികൾക്ക് സംഗീതം നൽകിയിരിക്കുന്നത് അരുൺ മുരളീദരനാണ്.

സിദ്ധിക്ക്, ഇന്ദ്രൻസ്, ജാഫർ ഇടുക്കി, മണികണ്ഠൻ ആചാരി, മുത്തുമണി, സുരാജ് വെഞ്ഞാറമൂട് എന്നിവരാണ് അനുഗ്രഹീതന്‍ ആന്‍റണിയിലെ മറ്റ് പ്രധാന താരങ്ങൾ. തുഷാര്‍ എസ്. നിർമിക്കുന്ന ചിത്രത്തിന്‍റെ തിരക്കഥ ഒരുക്കിയിരിക്കുന്നത് നവീന്‍ ടി. മണിലാലാണ്.അനുഗ്രഹീതന്‍ ആന്‍റണിയുടെ ഛായാഗ്രഹണം സെല്‍വകുമാര്‍ എസ്സും എഡിറ്റിങ്ങ് അപ്പു ഭട്ടാതിരിയുമാണ്. ചിത്രം അടുത്ത വർഷം ജനുവരിയിൽ റിലീസിനെത്തും.