രാജ്യത്ത് നിലനിൽക്കുന്ന രാഷ്ട്രീയ സാഹചര്യത്തെ കുറിച്ചും കശ്മീർ പ്രശ്‌നത്തെ കുറിച്ചും അഭിപ്രായം പറഞ്ഞ ബോളിവുഡ് നടി സോനം കപൂറിനെതിരെ സൈബർ ആക്രമണം. ബിബിസി ഏഷ്യന്‍ നെറ്റ്‌വര്‍ക്കിന് നല്‍കിയ അഭിമുഖത്തിലായിരുന്നു സോനത്തിന്‍റെ പ്രതികരണം.
ഭരണഘടനയിലെ 370-ാം വകുപ്പ് എടുത്ത് കളഞ്ഞതിനെ കുറിച്ച് അഭിമുഖത്തില്‍ താരം നല്‍കിയ പ്രതികരണമാണ് ട്രോളുകൾക്ക് കാരണമായത്. ''ഈ വിഷയം കടന്നുപോകുന്നത് വരെ മൗനം പാലിക്കുന്നതാണ് നല്ലത്. കാരണം, ഇതും കടന്നുപോകണം. 70 വര്‍ഷം മുന്‍പ് നമ്മള്‍ ഒരു രാജ്യമായിരുന്നു. ഇപ്പോള്‍ വിഭജിക്കുന്ന രാഷ്ട്രീയമാണ്. എനിക്കിപ്പോഴും ഇതേക്കുറിച്ച് മനസിലായിട്ടില്ല. ഈ വിഷയത്തില്‍ വൈരുദ്ധ്യം നിറഞ്ഞ ഒരുപാട് വാര്‍ത്തകള്‍ വരുന്നുണ്ട്. ഇത് സങ്കീര്‍ണമായൊരു വിഷയമാണ്. സത്യം എന്താണെന്ന് ഇപ്പോഴും എനിക്കറിയില്ല. പൂര്‍ണമായ വിവരങ്ങള്‍ മനസിലാക്കിയതിന് ശേഷം ഇതേക്കുറിച്ച് എന്‍റെ അഭിപ്രായം പറയാം'', സോനം പറഞ്ഞു. വിഷയത്തില്‍ കൃത്യമായ അഭിപ്രായം പറയാത്തതിനെ തുടർന്നാണ് ഒരുകൂട്ടം നെറ്റിസൺസ് സോനത്തിനെതിരെ വിമർശനവുമായി എത്തിയത്.