'ഹാപ്പി ബെർത്ത് ഡേ ചേട്ടാ' ; ലാലേട്ടന് പൃഥിയുടെ കിടിലൻ പിറന്നാൾ സമ്മാനം

പൃഥിരാജ് ചിത്രം ലൂസിഫറിലെ ഡിലീറ്റഡ് സീൻ പോസ്റ്റ് ചെയ്തുകൊണ്ടാണ് പൃഥ്വി മോഹൻലാലിന് ജന്മദിനാശംസകൾ നേർന്നത്.

മലയാളികളുടെ സ്വകാര്യ അഹങ്കാരം, താര രാജാവ് മോഹൻലാലിന് പിറന്നാളാശംസകൾ നേർന്ന് നടൻ പൃഥ്വിരാജ്. പൃഥിരാജ് തന്നെ സംവിധാനം ചെയ്ത ലൂസിഫറിന്‍റെ ഷൂട്ടിങിനിടെ എടുത്ത ചിത്രവും, ചിത്രത്തിൽ നിന്നും ഡിലിറ്റ് ചെയ്ത സീനും പോസ്റ്റ് ചെയ്തുകൊണ്ടാണ് പൃഥ്വി ജന്മദിനാശംസകൾ നേർന്നത്.

'ലൂസിഫറിന് നന്ദി, സ്റ്റീഫന് നന്ദി, അബ്രാം ഖുറേഷിക്ക് നന്ദി, നിങ്ങൾ നിങ്ങളായി തന്നെ തുടരുന്നതിന് നന്ദി. ഹാപ്പി ബെർത്ത് ഡേ ചേട്ടാ!'- പൃഥ്വിരാജ് ഫേസ്ബുക്കിൽ കുറിച്ചു. 200 കോടി ക്ലബ്ലിലെത്തുന്ന ആദ്യമലയാള സിനിമയാണ് പൃഥ്വിരാജ് സംവിധാനം ചെയ്ത മോഹൻലാൽ ചിത്രം ലൂസിഫർ . സിനിമയുടെ വിജയാഘോഷങ്ങൾക്കിടെ ലാലേട്ടന്‍റെ പിറന്നാൾ കൂടി എത്തിയത് ആരാധകർക്ക് കൂടുതൽ ആവേശമായി.

.