മലയാള സിനിമാതാരങ്ങളില്‍ മിനി കാര്‍ ഉടമകളുടെ പട്ടികയില്‍ ഇനി നവ്യ നായരും (Navya Nair). മിനിയുടെ ഏറ്റവും മികച്ച മോഡലായ കണ്‍ട്രിമാനാണ് (Mini Countryman) നവ്യ സ്വന്തമാക്കിയിരിക്കുന്നത്. പുതിയ വാഹനം വാങ്ങിയ വിവരം നവ്യ തന്നെയാണ് ആരാധകരുമായി പങ്കുവച്ചിരിക്കുന്നത്.
KL 07 CX 3223 എന്ന ആഡംബര നമ്പരാണ് നവ്യയുടെ പുതിയ കാറിന്. 'പുതിയ കാര്‍, മിനി കണ്‍ട്രിമാന്‍, ദൈവത്തിന്‍റെ അനുഗ്രഹം' എന്ന കുറിപ്പോടെ ഇന്‍സ്റ്റഗ്രാമിലാണ് നവ്യ പുതിയ വാഹനത്തിന്‍റെ ചിത്രം പങ്കുവച്ചിരിക്കുന്നത്. ബന്ധുക്കള്‍ക്കൊപ്പമാണ് താരം പുതിയ വാഹനം വീട്ടിലെത്തിച്ചത്. 40 ലക്ഷത്തിന് മുകളിലാണ് ഇന്ത്യയില്‍ മിനി കണ്‍ട്രിമാന്‍ കാറുകളുടെ വില.