മഹേഷ് നാരായണൻ സംവിധാനം ചെയ്യുന്ന ഫഹദ് ഫാസിൽ ചിത്രം മാലിക് ഒടിടി റിലീസിന്. ആന്‍റോ ജോസഫ് നിർമിക്കുന്ന ചിത്രം ജൂലൈ 15ന് ആമസോൺ പ്രൈമിലൂടെ റിലീസ് ചെയ്യും. നായകനായ ഫഹദ് ഫാസിൽ തന്‍റെ ഫേസ്ബുക്ക് പേജിലൂടെയാണ് ഇക്കാര്യം പുറത്തുവിട്ടത്.
2019ൽ ചിത്രീകരണം തുടങ്ങിയ മാലിക് ആദ്യത്തെ ലോക്ക്‌ഡൗണിന് ശേഷമുളള സമയത്ത് റിലീസ് ചെയ്യാന്‍ ശ്രമം നടത്തിയെങ്കിലും കൊവിഡ് വ്യാപനം വീണ്ടും രൂക്ഷമായതോടെ ശ്രമം ഉപേക്ഷിക്കുകയായിരുന്നു. ഇനി തിയേറ്റര്‍ എന്ന് തുറക്കും എന്ന കൃത്യമായ ധാരണ ഇല്ലാത്തതിനാലും വളരെയേറെ സാമ്പത്തിക ബുദ്ധിമുട്ടുകള്‍ നിലനില്‍ക്കുന്നതിനാലും ചിത്രം ഒടിടിയില്‍ റിലീസ് ചെയ്യാന്‍ ശ്രമിക്കുകയാണെന്ന് നിർമാതാവ് ആന്‍റോ ജോസഫ് വിവിധ സിനിമ സംഘടനകള്‍ക്ക് കത്തയച്ചിരുന്നു.