നടൻ ടൊവിനോ തോമസിന് കൊവിഡ് ഭേദമായി. പരിശോധനാ ഫലം നെഗറ്റീവ് ആയെന്നും മറ്റ് ആരോഗ്യ പ്രശ്നങ്ങൾ ഒന്നുമില്ലാതെ മുന്നോട്ട് പോകാൻ കഴിയുന്നതിൽ ഭാഗ്യവാനാണെന്നും താരം അറിയിച്ചു.
ടൊവിനോ തോമസ് കൊവിഡ് മുക്തനായി - ടൊവിനോ തോമസ് കൊറോണ വാർത്ത
ഇക്കഴിഞ്ഞ ബുധനാഴ്ചയാണ് താരത്തിന് കൊവിഡ് സ്ഥിരീകരിച്ചത്.
1
'എന്റെ പരിശോധന ഫലം നെഗറ്റീവായി. എല്ലാവരുടെയും സ്നേഹത്തിനും പിന്തുണയ്ക്കും നന്ദി. ഞാൻ ഇപ്പോൾ സുഖമായിരിക്കുന്നു. എങ്കിലും കൊവിഡ് ഭേദമായ ശേഷം മറ്റ് പ്രശ്നങ്ങളൊന്നും ഇല്ലാത്തതിൽ ഞാൻ ഭാഗ്യവാനാണ്. എല്ലാവരുടെയും കാര്യം അങ്ങനെയല്ലെന്ന് അറിയുക. അതിനാൽ ദയവായി എല്ലാവരും സൂക്ഷിക്കുക. സുരക്ഷിതരായി ഇരിക്കുക'- ടൊവിനോ സമൂഹമാധ്യമങ്ങളില്‍ കുറിച്ചു.
ഈ മാസം 15നാണ് താരത്തിന് കൊവിഡ് സ്ഥിരീകരിച്ചത്. തുടർന്ന് ടൊവിനോ ക്വാറന്റൈനിൽ പ്രവേശിക്കുകയായിരുന്നു.