വൈക്കം മുഹമ്മദ് ബഷീറിന്‍റെ കുറേ പുസ്തകങ്ങൾ ആട് തിന്നുവെന്ന് അദ്ദേഹം പറഞ്ഞിട്ടുണ്ട്. എന്നാൽ ആട് ഉടുപ്പ് തിന്നാലോ. ഇതിന്‍റെ രസകരമായ വീഡിയോ പങ്കുവച്ചിരിക്കുകയാണ് മലയാളത്തിന്‍റെ എക്കാലത്തെയും ചോക്ലേറ്റ് പയ്യനായ കുഞ്ചാക്കോ ബോബൻ.
പുല്ലില്ലെങ്കിൽ പാന്‍റായാലും മതി എന്ന ക്യാപ്ഷനോടെയാണ് താരം വീഡിയോ പങ്കുവച്ചിരിക്കുന്നത്. നടന്‍റെ റിപ്പ്ഡ് ജീൻസും ഷർട്ടും ചവച്ചുതിന്നുന്ന മൂന്ന് ആടുകളുണ്ട് വീഡിയോയിൽ. രസകരമായ വീഡിയോയ്ക്ക് താഴെ ആരാധകരുടെ കമന്‍റുകളുടെ പ്രവാഹമാണ്.