മാധുരി ദീക്ഷിതും സഞ്ജയ് ദത്തും ഇരുപത്തിയൊന്ന് വര്‍ഷത്തിന് ശേഷം ഒന്നിക്കുന്ന ചിത്രം എന്ന പ്രത്യേകതയും കലങ്കിനുണ്ട്. അവിശ്വസനീയമായ ഒരു യാത്ര എന്നാണ് ‘കലങ്ക്’ തന്ന അനുഭവത്തെ ആലിയ വിശേഷിപ്പിക്കുന്നത്. അതേസമയം തന്‍റെ ഡ്രീം പ്രൊജക്റ്റ് എന്നാണ് കരൺ ജോഹർ ചിത്രത്തെക്കുറിച്ച് പറഞ്ഞത്. 15 വർഷം മുമ്പ് കരണിന്‍റെ പിതാവ് യാഷ് ജോഹർ കണ്ട സ്വപ്നമാണ് കലങ്കിലൂടെ സാക്ഷാത്കരിക്കുന്നതെന്നും കരൺ ജോഹർ പറഞ്ഞു.“കലങ്ക് എന്നെ സംബന്ധിച്ച് ഒരു വൈകാരികമായ യാത്രയാണ്. എന്‍റെ പിതാവ് 15 വർഷങ്ങൾക്ക് മുമ്പ് കണ്ടൊരു സ്വപ്നമായിരുന്നു ഇത്. കലങ്കിനെ ഏറ്റവും പ്രഗത്ഭനായ, കാഴ്ചപ്പാടുകളുള്ള ഒരു സംവിധായകന്‍റെ കൈകളിൽ ഏൽപ്പിക്കാൻ കഴിഞ്ഞതിൽ അഭിമാനമുണ്ട്,” കരൺ പറഞ്ഞു. ഏപ്രിലാണ് ചിത്രം തീയറ്ററുകളിലെത്തുന്നത്.