തിരുവനന്തപുരം:Documentary and Short Film Festival:ചലച്ചിത്ര അക്കാദമി സംഘടിപ്പിക്കുന്ന 13ാമത് അന്താരാഷ്ട്ര ഡോക്യുമെന്‍ററി - ഹ്രസ്വചിത്ര മേളയിൽ (IDSFFK) ബെയ്റൂത്ത് - ഐ ഒഫ് ദ സ്റ്റോം ഉദ്ഘാടന ചിത്രം. അറബി ഭാഷയിൽ മസ്റി സംവിധാനം ചെയ്ത ചിത്രം ലബനീസ് - ഫ്രാൻസ് സംയുക്ത സംരംഭമാണ്.
ഡിസംബർ 9 ന് ഏരീസ് പ്ലക്സ് എസ്എൽ സിനിമാസിലെ ഓഡി -1 ൽ വൈകിട്ട് ആറിനാണ് ചിത്രം പ്രദർശിപ്പിക്കുക. ലബനന്‍റെ ചരിത്രത്തിലെ പ്രക്ഷുബ്‌ധുമായ ഒരു കാലത്തെ രേഖപ്പെടുത്തുന്ന ബെയ്റൂത്തിലെ നാല് കലാകാരികളെയാണ് ചിത്രത്തിൽ അവതരിപ്പിക്കുന്നത്. 2019 ഒക്ടോബറിലെ ഭരണകൂട വിരുദ്ധ കലാപം മുതൽ കൊവിഡ് ലോക്ക് ഡൗണും ബെയ്റൂത്ത് തുറമുഖത്തിലുണ്ടായ വൻ സ്ഫോടനവുമെല്ലാം ചിത്രത്തിൽ പറയുന്നു.