ലോകത്തിലെ ഏറ്റവും മികച്ച സിനിമാ വ്യവസായമാണ് ഇന്ത്യയുടേതെന്ന് റെയ്‌നോൾഡ്‌സ് - റയാൻ റെയ്‌നോൾഡ്‌സ്
ഹിന്ദി സിനിമകളിലെ ജീവിതാവിഷ്‌കരണവും ഗാനങ്ങളും തനിക്ക് ഏറെ ഇഷ്‌ടമാണെന്ന് ഹോളിവുഡ് താരം റയാൻ റെയ്‌നോൾഡ്‌സ് പറഞ്ഞു
സിനിമാമേഖലയിൽ ലോകത്തിലെ മുൻപന്തിയിൽ നിൽക്കുന്നത് ഇന്ത്യയെന്ന് ഡെഡ്‌പൂൾ താരം റയാൻ റെയ്‌നോൾഡ്‌സ്. താൻ ഒരുപാട് ബോളിവുഡ് ചലച്ചിത്രങ്ങൾ കണ്ടിട്ടുണ്ടെന്നും ഹിന്ദി സിനിമകളിലെ ജീവിതാവിഷ്‌കരണവും ഗാനങ്ങളും തനിക്ക് ഏറെ ഇഷ്‌ടമാണെന്നും ഹോളിവുഡ് താരം പറഞ്ഞു. നെറ്റ്ഫ്ലിക്‌സ് ചിത്രം '6 അണ്ടർഗ്രൗണ്ടി'ന്‍റെ പ്രൊമോഷനുമായി ബന്ധപ്പെട്ട് ഒരു പരിപാടിയിൽ സംസാരിക്കുകയായിരുന്നു അദ്ദേഹം.
ഡെഡ്‌പൂൾ ഇന്ത്യയിൽ വലിയ സ്വീകരണം നേടിയതിനാൽ തനിക്ക് ഒരുപാട് ഇന്ത്യൻ ആരാധകരുണ്ടെന്നതിൽ സന്തോഷിക്കുന്നുണ്ടെന്ന് റെയ്‌നോൾഡ്‌സ് പറഞ്ഞു. ഹിന്ദി ചിത്രങ്ങളിൽ ജീവിതത്തെ ആഘോഷമാക്കുന്നതും കൂടാതെ അവർ എല്ലാത്തിനെയും സംഗീതം കൊണ്ട് സമീപിക്കുന്നതും തന്നെ ആകർഷിച്ചുവെന്നും താരം കൂട്ടിച്ചേർത്തു.
അഴിമതിക്കാരനായ അധികാരിക്കെതിരെ പ്രവർത്തിക്കുന്ന ഒരു കോടീശ്വരന്‍റെ വേഷമാണ് റെയ്‌നോൾഡ്‌സ് ചെയ്യുന്നത്. ചിത്രം നെറ്റ്ഫ്ലിക്‌സിൽ ഈ മാസം 13ന് എത്തും.