'സീറ്റ് ബെൽറ്റ് ധരിച്ച് എനിക്കൊപ്പം 90കളിലേക്ക് പോകാൻ തയാറായിക്കൊള്ളൂ'... പറയുന്നത് ഡി ക്യു ആകുമ്പോൾ കേൾക്കാതിരിക്കാൻ ആരാധകർക്ക് തരമില്ലല്ലോ. ഡി ക്യു ആരാധകർ ത്രില്ലിലാണ്, തങ്ങളുടെ പ്രിയപ്പെട്ട താരത്തിന്‍റെ ആദ്യ വെബ്‌സീരീസിനായി. ഗൺസ് ആൻഡ് ഗുലാബ്‌സ് എന്ന് പേരിട്ടിരിക്കുന്ന സീരീസ് നെറ്റ്ഫ്ലിക്‌സിലൂടെയാണ് റിലീസാകുന്നത്. ചിത്രത്തിന്‍റെ ഫസ്റ്റ്‌ലുക്ക് പോസ്റ്റർ സമൂഹ മാധ്യമങ്ങളിലൂടെ താരം പങ്കുവച്ചിട്ടുണ്ട്.
രാജ് ആൻഡ് ഡികെ എന്നറിയപ്പെടുന്ന രാജ് നിദിമോരു, കൃഷ്‌ണ ഡികെ എന്നിവർ ചേർന്നാണ് ചിത്രം സംവിധാനം ചെയ്യുന്നത്. ദുൽഖറിനൊപ്പം രാജ്‌കുമാർ റാവു, ആദർശ് ഗൗരവ് എന്നിവരും സീരീസിൽ അണിനിരക്കും.