ധനുഷ് നായകനാകുന്ന ഹോളിവുഡ് ചിത്രം 'ദി ഗ്രേ മാന്‍' ഷൂട്ടിങ് പൂർത്തിയായി. അവഞ്ചേഴ്സ് സംവിധായകരായ റൂസ്സോ സഹോദരന്മാർ സംവിധാനം ചെയ്യുന്ന ചിത്രമാണ് ദി ഗ്രേ മാൻ. ചിത്രത്തിന്‍റെ ഷൂട്ടിങ് പൂർത്തിയായ വിവരം സംവിധായകർ തന്നെയാണ് അറിയിച്ചത്. ലോസ് ആഞ്ചലസിലായിരുന്നു സിനിമയുടെ ചിത്രീകരണം നടന്നത്. ചിത്രത്തിലെ ധനുഷിന്‍റെ രംഗങ്ങളുടെ ചിത്രീകരണം കഴിഞ്ഞ മാസം പൂർത്തിയായിരുന്നു.
മാർക്ക് ഗ്രീനിയുടെ നോവലിനെ ആസ്പദമാക്കി ഒരുങ്ങുന്ന ചിത്രത്തിൽ ധനുഷിനൊപ്പം ഹോളിവുഡ് താരങ്ങളായ ക്രിസ് ഇവാന്‍സും റയാന്‍ ഗോസ്ലിങ്ങും പ്രധാന വേഷം ചെയ്യുന്നുണ്ട്.