മുംബൈ: തെന്നിന്ത്യൻ താരം റാണ ദഗ്ഗുബതിക്ക് പിറന്നാളാശംസകളുമായി ബോളിവുഡിൽ നിന്നും ടോളിവുഡിൽ നിന്നും പ്രമുഖ താരങ്ങൾ. റാണ ദഗ്ഗുബതിയുടെ 35-ാം പിറന്നാളിന് സുഹൃത്തുക്കളും സഹപ്രവർത്തകരുമുൾപ്പടെ നിരവധി പേരാണ് സമൂഹമാധ്യമങ്ങളിലൂടെ ആശംസകൾ അറിയിച്ചത്.
ലീഡർ എന്ന തെലുങ്ക് ചിത്രത്തിലൂടെ സിനിമാരംഗത്തെത്തിയ താരം ദം മരോ ദം, ബാഹുബലി, ഹൗസ്‌ഫുൾ4 സിനിമകളിലൂടെ ബോളിവുഡിലും പ്രതിഭ തെളിയിച്ചിരുന്നു. രാകുൽ പ്രീത് സിംഗ്, മഹേഷ് ബാബു, കാജല്‍ അഗർവാൾ, സോണൽ ചൗഹാൻ എന്നിവർക്കൊപ്പം മലയാളി താരം ദുൽഖർ സൽമാനും റാണക്ക് ജന്മദിനാശംസകൾ നേർന്നു.
മികച്ചൊരു വർഷമുണ്ടാകട്ടെയെന്ന് കുറിച്ചുകൊണ്ട് മുഖത്തോട് മുഖം നോക്കിയിരുന്ന് പുഞ്ചിരിക്കുന്ന ഫോട്ടോ ഷെയർ ചെയ്‌ത് കൊണ്ടാണ് തെന്നിന്ത്യൻ സൂപ്പർ താരം മഹേഷ് ബാബു ജന്മദിനാശംസകൾ കുറിച്ചത്.