സെലിബ്രിറ്റികൾ പലരും വാക്സിനെടുക്കുന്നതിന്‍റെ ദൃശ്യങ്ങളും ഫോട്ടോയുമെല്ലാം പങ്കുവച്ചിരുന്നു. പലതും വൈറലുമായിരുന്നു. ഇപ്പോൾ അനശ്വര രാജൻ വാക്സിനെടുക്കുന്ന വീഡിയോ ആണ് സമൂഹമാധ്യമങ്ങളിൽ വൈറൽ. ഉടുപ്പിന്‍റെ കൈ ചുരുട്ടി നഴ്സിന്‍റെ നിർദ്ദേശങ്ങൾ ശ്രദ്ധിച്ച് കൂളായാണ് അനശ്വര വാക്സിനെടുക്കുന്നത്.
രസകരമായ കമന്‍റുകളാണ് വീഡിയോക്ക് താഴെ ലഭിക്കുന്നത്. വാക്സിൻ എടുക്കുമ്പോൾ പലരും ഇവിടെ കരച്ചിലും ബഹളവുമായിരുന്നു. അവരെല്ലാം അനശ്വരയെ കണ്ട് പഠിക്കൂ എന്നാണ് പലരുടെയും കമന്‍റുകൾ. കുറച്ചു വേദനയെങ്കിലും മുഖത്ത് കാണിച്ചുകൂടേയെന്ന് ചിലർ അനശ്വരയോട് ചോദിക്കുന്നു.