നടന്‍ പൃഥ്വിരാജ് കൊവിഡ് മുക്തനായി

രോഗമുക്തനായെങ്കിലും ഒരു ആഴ്‌ച കൂടി സ്വയം നിരീക്ഷണത്തിൽ കഴിയാനാണ് താരത്തിന്‍റെ തീരുമാനം.

എറണാകുളം: കൊവിഡ് ബാധിതനായിരുന്ന നടൻ പൃഥ്വിരാജിന്‍റെ പരിശോധന ഫലം നെഗറ്റീവായി. ഇന്ന് നടത്തിയ ആന്‍റിജൻ പരിശോധനയില്‍ രോഗമുക്തനായെങ്കിലും ഒരു ആഴ്‌ച കൂടി സ്വയം നിരീക്ഷണത്തിൽ കഴിയാനാണ് താരത്തിന്‍റെ തീരുമാനം. സമൂഹമാധ്യമങ്ങളിലൂടെ നടന്‍ തന്നെയാണ് വിവരം പുറത്തുവിട്ടത്. നേരത്തെ സംവിധായകൻ ഡിജോ ജോസിന്‍റെ 'ജനഗണമനയുടെ' ചിത്രീകരണത്തിനിടയിലാണ് നടൻ രോഗം സ്ഥിരീകരിച്ചത്. ഡിജോ ജോസിനും കൊവിഡ് സ്ഥിരീകരിച്ചിരുന്നു. തുടർന്ന് ചിത്രത്തിന്‍റെ അണിയറപ്രവർത്തകർ സ്വയം നിരീക്ഷണത്തിൽ പോയിരുന്നു.