ബോളിവുഡ് സൂപ്പർ താരം ആമിർ ഖാനും യുവനടി കിയാര അദ്വാനിയും സമൂഹമാധ്യമങ്ങളിൽ ട്രെൻഡിങ് ലിസ്റ്റിൽ ഇടംപിടിക്കുകയാണ്. പുതിയ സിനിമയുടെ ഭാഗമായല്ല താരങ്ങൾ ആരാധകരുടെ ശ്രദ്ധയാകര്‍ഷിക്കുന്നത്.
കിയാരയുടെ മാസ്‌കിന്‍റെ കുരുക്ക് അഴിക്കാൻ ആമിർ ഖാൻ
മുംബൈയിലെ ഒരു പൊതുപരിപാടിയിൽ നിന്നുള്ള താരങ്ങളുടെ വീഡിയോയാണ് വൈറലാവുന്നത്. ഇരുവരും ബ്രാൻഡ് അംബാസഡറായ ബാങ്കിന്‍റെ പ്രമോഷൻ പരിപാടിക്കായെത്തിയതാണ് സന്ദർഭം.
സ്റ്റേജിലേക്ക് കയറി മാസ്‌ക് ഊരി ആമിർ ഖാൻ അഭിവാദ്യം അറിയിച്ചു. എന്നാൽ, കിയാരയുടെ മാസ്‌ക് കമ്മലിൽ കുടുങ്ങിയതോടെ മാസ്‌ക് ഊരാനുള്ള നടിയുടെ ശ്രമം പരാജയപ്പെട്ടു.
നടി ആമിറിനോട് സഹായം ചോദിക്കുന്നതും ബോളിവുഡിലെ ജെന്‍റിൽമാൻ എന്നറിയപ്പെടുന്ന ആമിർ ഖാൻ മാസ്‌ക്കിന്‍റെ കുരുക്ക് മാറ്റാൻ ശ്രമിക്കുന്നതുമാണ് വീഡിയോയിൽ കാണുന്നത്.
Also Read: മലയാളത്തിൽ അദൃശ്യം, തമിഴിൽ യുകി; ത്രില്ലറുമായി ജോജുവും നരേനും കതിരും
മാസ്‌ക് ഊരാൻ കിയാരയെ സഹായിക്കുന്ന ദി പെർഫക്ഷനിസ്റ്റിന്‍റെ വീഡിയോ സമൂഹമാധ്യമങ്ങളില്‍ പ്രചരിക്കുകയാണ്.
അതേസമയം, സിദ്ധാർഥ് മൽഹോത്ര ടൈറ്റിൽ റോളിലെത്തിയ ഷേർഷായിൽ കിയാര അദ്വാനിയാണ് നായികാവേഷം ചെയ്‌തത്. ആമസോൺ പ്രൈമിൽ രണ്ട് ദിവസങ്ങൾക്ക് മുൻപ് റിലീസ് ചെയ്‌ത ബയോപിക് ചിത്രം മികച്ച പ്രതികരണം നേടുകയാണ്.
ആമിർ ഖാന്‍റേതായി അണിയറയിൽ ഒരുങ്ങുന്ന ഹോളിവുഡ് ചിത്രം ഫോറസ്റ്റ് ഗമ്പിന്‍റെ ഹിന്ദി റീമേക്ക് ലാൽ സിംഗ് ഛദ്ദയാണ്. സിനിമയുടെ ചിത്രീകരണം അവസാനഘട്ടത്തിലേക്ക് കടക്കുകയാണ്.
