2019ൽ ആമസോൺ പ്രൈമിൽ റിലീസ് ചെയ്ത് വമ്പിച്ച പ്രതികരണം നേടിയ ബോളിവുഡ് സീരീസ് ദി ഫാമിലി മാൻ രണ്ടാം സീസൺ ജൂണിലെത്തും. മനോജ് ബാജ്പേയി മുഖ്യവേഷത്തിലെത്തുന്ന ദി ഫാമിലി മാൻ 2 ജൂൺ ആദ്യവാരം പ്രദർശനത്തിനെത്തുമെന്നാണ് സൂചന. ഈ വർഷം ജനുവരിയിൽ സീരീസിന്‍റെ ടീസർ പുറത്തുവിട്ടപ്പോൾ മുതൽ വലിയ ആകാംക്ഷയിലാണ് ആരാധകർ. ശ്രീകാന്ത് തിവാരിയുടെ രണ്ടാം വരവിനായി ബോളിവുഡ് പ്രേക്ഷകർ കാത്തിരിക്കുമ്പോൾ ഒന്നാം സീസണിന്‍റെ കഥയനുസരിച്ച് തുടർഭാഗത്തിൽ നീരജ് മാധവന്‍റെ മൂസയുണ്ടാകുമോ എന്ന സംശയത്തിലാണ് മലയാളികൾ. എന്നാൽ, നീരജ് ദി ഫാമിലി മാൻ 2വിലും ഉണ്ടാകുമെന്നും സൂചനകളുണ്ടായിരുന്നു.
ദി ഫാമിലി മാൻ സീസൺ 2 ജൂണിൽ - the family man 2 raj dk release latest news
മലയാളത്തിന്‍റെ നീരജ് മാധവ് ബോളിവുഡിൽ അരങ്ങേറ്റം കുറിച്ചത് മനോജ് ബാജ്പേയി നായകനായ ദി ഫാമിലി മാൻന എന്ന സീരീസിലൂടെയാണ്.
ദി ഫാമിലി മാൻ സീസൺ 2 ജൂണിൽ
More Read: ദി ഫാമിലിമാന് ശേഷം ആന്തോളജിയുമായി നീരജ് മാധവ് വീണ്ടും ബോളിവുഡിൽ
ജൂണിൽ വെബ് സീരീസ് പ്രദർശനത്തിനെത്തുമെന്ന് ഏറ്റവും പുതിയ റിപ്പോർട്ടുകൾ പറയുമ്പോഴും കൃത്യമായ തിയതി സംവിധായകരായ രാജ്, ഡികെ ഒട്ടും വൈകാതെ പ്രഖ്യാപിക്കുമെന്നും പ്രതീക്ഷിക്കുന്നു. തെന്നിന്ത്യൻ നടി സാമന്ത അക്കിനേനിയും പുതിയ സീസണിൽ പ്രധാന വേഷം ചെയ്യുന്നു.