മുംബൈ:എന്താണ് 'ദുഗ്ഗ ദുഗ്ഗ'? ഒരുപക്ഷെ മുന്‍ ലോക സുന്ദരി സുഷ്‌മിത സെന്നിന്‍റെ ആരാധകർക്ക് ഈ ബംഗാളി പദം അർഥമാക്കുന്നത് എന്താണെന്ന ധാരണയുണ്ടാവാം. ദുർഗാഷ്‌ടമിയോടനുബന്ധിച്ച് മുന്‍ ലോക സുന്ദരി സുഷ്‌മിത സെൻ തന്‍റെ ആരാധകർക്ക് പുതിയൊരു വെളിപ്പെടുത്തലോട് കൂടിയാണ് ആശംസകളറിയിച്ചിരിക്കുന്നത്. '
ദുഗ്ഗ ദുഗ്ഗ' എന്ന പദത്തോടുള്ള തന്‍റെ ഇഷ്‌ടത്തെക്കുറിച്ചാണ് താരം ഇൻസ്റ്റഗ്രാമിലൂടെ വെളിപ്പെടുത്തിയിരിക്കുന്നത്. പലപ്പോഴും താൻ 'ദുഗ്ഗ ദുഗ്ഗ' എന്ന പ്രാർഥന ഉച്ഛരിക്കുന്നത് ദുർഗാദേവിയുടെ ശക്തിയെ ആകർഷിക്കാനാണെന്ന് സുഷ്‌മിത ഇൻസ്റ്റഗ്രാമിൽ കുറിച്ചു. ആശംസകൾ നേർന്നുകൊണ്ട് താരം ഇൻസ്റ്റഗ്രാമിൽ പങ്കുവച്ച ചിത്രവും ഇതിനോടകം ആരാധകർ ഏറ്റെടുത്തുകഴിഞ്ഞു.