മുംബൈ: പുതിയ ഒടിടി പ്ലാറ്റ്‌ഫോം ലോഞ്ചിന് സൂചന നല്‍കി ബോളിവുഡ്‌ കിങ്‌ ഖാന്‍. SRK+ ഉടന്‍ എത്തുമെന്ന്‌ പ്രഖ്യാപിച്ചിരിക്കുകയാണ് ഷാരൂഖ്‌ ഖാന്‍. ഒടിടി ലോകത്ത്‌ ഉടന്‍ തന്നെ എന്തെങ്കിലും ഒക്കെ സംഭവിക്കും.' -ഷാരൂഖ്‌ പോസ്‌റ്റര്‍ ട്വീറ്റ്‌ ചെയ്‌തു കൊണ്ട്‌ കുറിച്ചു.
SRK to launch OTT venture: അതേസമയം SRK+ ഷാരൂഖിന്‍റെ പുതിയ ഒടിടി ആപ്പ്‌ ആണോ അല്ലയോ എന്നത്‌ ഷാരൂഖ്‌ ഖാനും അദ്ദേഹത്തിന്‍റെ പ്രൊഡക്ഷന്‍ ബാനര്‍ റെഡ്‌ ചില്ലീസ്‌ എന്‍റര്‍ടെയ്‌ന്‍മെന്‍റും സ്ഥിരീകരിച്ചിട്ടില്ല. പുതിയ സംരംഭവുമായി നീങ്ങുന്ന ഷാരൂഖിന് ബോളിവുഡ്‌ ലോകത്ത്‌ നിന്നും സുഹൃത്തുക്കളില്‍ നിന്നും അഭിനന്ദനപ്രവാഹമാണ് ലഭിച്ചുകൊണ്ടിരിക്കുന്നത്‌.
Salman Khan congrats SRK+: ഷാരൂഖ്‌ ഖാന്‍റെ പുതിയ സംരംഭത്തെ അഭിനന്ദിച്ച്‌ സല്‍മാന്‍ ഖാനും രംഗത്തെത്തി. 'SRK+ എന്ന താങ്കളുടെ പുതിയ ഒടിടി ആപ്പിന് അഭിനന്ദനങ്ങള്‍.' -സല്‍മാന്‍ കുറിച്ചു. സംവിധായകന്‍ അനുരാഗ്‌ കശ്യപും അഭിനന്ദനം രേഖപ്പെടുത്തി. 'സ്വപ്‌നം യാഥാര്‍ഥ്യമാകും. SRK+ എന്ന ഒടിടി ആപ്പുമായി സഹകരിക്കും.'-ഷാരൂഖിന്‍റെ ട്വീറ്റ്‌ പങ്കുവച്ച് അനുരാഗ്‌ കശ്യപ്‌ കുറിച്ചു.