കൊവിഡ് ബാധിച്ച് ചികിത്സയിലായിരുന്ന ബോളിവുഡ് നടന് സോനു സൂദ് കൊവിഡ് മുക്തനായി. ഇന്‍സ്റ്റഗ്രാമില്‍ നെഗറ്റീവ് സൈന്‍ സൂചിപ്പിച്ചുള്ള ചിത്രം പങ്കുവെച്ചാണ് സോനു കൊവിഡ് ഭേദമായെന്ന് ആരാധകരെ അറിയിച്ചത്. താരത്തിന്‍റെ പുതിയ പോസ്റ്റ് പ്രത്യക്ഷപ്പെട്ടതോടെ ആരാധകരും സിനിമാ മേഖലയിലെ പ്രമുഖരും താരത്തിന് ആശംസകളുമായി എത്തിയത്. 'കേട്ട ഏറ്റവും നല്ല വാര്‍ത്ത'യെന്നാണ് സോനുവിന്‍റെ പോസ്റ്റിന് താഴെ നടി സോനല്‍ ചൗഹാന്‍ കമന്‍റായി കുറിച്ചത്.
കൊവിഡില്‍ നിന്നും മോചനം, സന്തോഷം പങ്കുവെച്ച് സോനു സൂദ് - Sonu Sood tests negative news
കൊവിഡില്‍ നിന്നും മുക്തി നേടിയെന്ന വാര്‍ത്ത നടന് സോനു സൂദ് പങ്കുവെച്ചതോടെ നിരവധി പേരാണ് അദ്ദേഹത്തിന് ആശംസകളുമായി എത്തിയത്
കൊവിഡില്‍ നിന്നും മോചനം, സന്തോഷം പങ്കുവെച്ച് സോനു സൂദ്
കഴിഞ്ഞ ശനിയാഴ്ചയാണ് നടന് കൊവിഡ് സ്ഥിരീകരിച്ചത്. 'കൊറോണ വൈറസ് ബാധിച്ചെങ്കിലും തന്‍റെ മാനസികാവസ്ഥയും ആത്മവിശ്വാസവും 'സൂപ്പര്‍ പോസിറ്റീവ്' ആണെന്നാണ് ഇന്‍സ്റ്റയിലൂടെ അദ്ദേഹം അറിയിച്ചത്. ലോക്‌ഡൗണ്‍ സമയത്ത് അന്യസംസ്ഥാന തൊഴിലാളികള്‍ക്ക് വേണ്ടി സഹായമെത്തിച്ച്‌ ഇന്ത്യയിലും ഇന്ത്യയ്‌ക്ക് പുറത്തും ആരാധകരെ സമ്പാദിച്ച താരമാണ് സോനു സൂദ്. കൂടാതെ പാവപ്പെട്ടവരെയും അന്യസംസ്ഥാന തൊഴിലാളികളെയും സഹായിക്കുന്നതിനായി മുംബൈയിലുള്ള തന്‍റെ കടകളും ഫ്ലാറ്റുകളും വിറ്റ് 10 കോടി രൂപയാണ് അദ്ദേഹം സമാഹരിച്ചത്.