അലൗകിക് ദേശായി സംവിധാനം ചെയ്യുന്ന 'സീത ദി ഇൻകാർണേഷൻ' എന്ന ചിത്രത്തിൽ കരീന കപൂർ കേന്ദ്രകഥാപാത്രമാകുമെന്ന വാർത്തകളില്‍ എതിര്‍പ്പറിയിച്ച് നിരവധി പേര് രംഗത്തെത്തിയിരുന്നു. കരീന സീതയുടെ വേഷം ചെയ്യാന്‍ യോജിച്ചയാളല്ലെന്നും കങ്കണ റണൗട്ട് സീതയായാല്‍ മതിയെന്നുമായിരുന്നു ഇവരുടെ വാദം.
എന്നാൽ, കരീന കപൂറിനെ നിശ്ചയിച്ചെന്ന വാർത്ത തെറ്റാണെന്ന് സംവിധായകൻ അലൗകിക് ദേശായി അറിയിച്ചു. സീതയായി ആരെയെങ്കിലും തെരഞ്ഞെടുത്താൽ അത് ഔദ്യോഗികമായി അറിയിക്കുമെന്നും സംവിധായകൻ പറഞ്ഞു.
'ഞങ്ങൾ ഇപ്പോൾ സീത ദി ഇൻകാർണേഷൻ ചിത്രത്തിന്‍റെ പ്രീ- പ്രൊഡക്ഷൻ ജോലിയിലാണ്. സിനിമയിലെ ടൈറ്റിൽ റോളിനായി കരീന കപൂറിനെ സമീപിച്ചുവെന്ന വാർത്ത കാറ്റിൽ മണക്കുന്ന വെറും വാർത്തയാണ്. ഈ കാറ്റിന് പിറകെ നിങ്ങളും പോകരുതെന്ന് അഭ്യർഥിക്കുന്നു.