ബോളിവുഡ്‌ കിങ്‌ ഖാന്‍ ഷാരൂഖ്‌ ഖാന്‍ ആരാധകരുടെ ഊഴമായിരിക്കുകയാണ്. ഖാന്‍ ആരാധകര്‍ നാളേറെയായി കാത്തിരിക്കുകയായിരുന്നു താരത്തിന്‍റെ ഏറ്റവും പുതിയ ചിത്രമായ 'പത്താന്‍റെ' വിശേഷങ്ങള്‍ അറിയാന്‍. ഒടുവില്‍ 'പത്താന്‍റെ' റിലീസ്‌ തീയതി അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്.
Shah Rukh Khan Pathan release date: 2023 ജനുവരി 25നാണ് 'പത്താന്‍' തിയേറ്ററുകളിലെത്തുക. പ്രധാനമായും ഹിന്ദിയില്‍ ഒരുങ്ങുന്ന ചിത്രം തമിഴിലും തെലുങ്കിലും റിലീസ്‌ ചെയ്യും. 2018ല്‍ റിലീസ്‌ ചെയ്‌ത താരത്തിന്‍റെ 'സീറോ' എന്ന ചിത്രത്തിന് ശേഷമുള്ള ഷാരൂഖിന്‍റെ ബോളിവുഡ്‌ ചിത്രമാണ് 'പത്താന്‍'. നാല്‌ വര്‍ഷങ്ങള്‍ക്ക്‌ ശേഷമാണ്‌ ഒരു ഷാരൂഖ്‌ ഖാന്‍ ചിത്രം തിയേറ്ററുകളിലെത്തുന്നത്‌.
YRF shares Pathan release date announcement video: യാഷ് രാജ്‌ ഫിലിംസിന്‍റെ ട്വിറ്റര്‍ പേജിലൂടെയാണ് റീലീസ്‌ വിവരം പുറത്തുവിട്ടത്‌. 'പത്താന്‍റെ' ടീസര്‍ പങ്കുവച്ച് കൊണ്ടാണ്‌ റിലീസ്‌ തീയതി പുറത്തുവിട്ടിരിക്കുന്നത്‌. 'മേക്ക്‌.സം.നോയിസ്‌! 'പത്താന്‍' ഇവിടെയുണ്ട്‌. റിലീസ്‌ പ്രഖ്യാപന വീഡിയോ കാണൂ! 2023 ജനുവരി 25ന്‌ ചിത്രം തിയേറ്ററുകളിലെത്തും. ഹിന്ദി, തമിഴ്‌, തെലുങ്ക്‌ എന്നീ ഭാഷകളില്‍ റിലീസ്‌ ചെയ്യും. നിങ്ങളുടെ അടുത്തുള്ള തിയേറ്ററുകളില്‍ 'പത്താനെ' ആഘോഷമാക്കൂ.' -യാഷ് രാജ്‌ ഫിലിംസ്‌ ട്വീറ്റ്‌ ചെയ്‌തു.