രുധിരം രണം രൗദ്രം. ബാഹുബലിക്ക് ശേഷം രാജമൗലിയുടെ സംവിധാനത്തിൽ ഒരുങ്ങുന്ന ആർആർആർ ചിത്രത്തിലെ മോഷൻ പോസ്റ്റർ റിലീസ് ചെയ്തു. ഇന്ന് അജയ് ദേവ്ഗണിന്‍റെ ജന്മദിനത്തിൽ ആശംസകൾ അറിയിച്ചുകൊണ്ട് താരത്തിന്‍റെ ആർആർആർ ലുക്കാണ് മോഷൻ പോസ്റ്ററിൽ അവതരിപ്പിക്കുന്നത്.
പത്ത് ഭാഷകളിലായി റിലീസ് ചെയ്യുന്ന ചിത്രത്തിൽ അജയ് ഗേവ്ഗണിനൊപ്പം ജൂനിയർ എൻടിആർ, ആലിയ ഭട്ട്, രാം ചരൺ എന്നിവരും മുഖ്യതാരങ്ങളാകുന്നു. ആലിയ ഭട്ടിന്‍റെ പിറന്നാളിന് പുറത്തിറങ്ങിയ നടിയുടെ സീത ലുക്കും രാം ചരണിന് ജന്മദിനാശംസ അറിയിച്ചുകൊണ്ട് പുറത്തുവിട്ട താരത്തിന്‍റെ ലുക്കും ഗംഭീര പ്രതികരണം നേടിയിരുന്നു. ഒലീവിയ മോറിസ്, ബ്രിട്ടീഷ് നടി ഡെയ്‌സി എഡ്‍ജര്‍ ജോണ്‍സൺ, സമുദ്രക്കനി എന്നിവരാണ് ചിത്രത്തിലെ മറ്റ് പ്രധാന താരങ്ങൾ.