മുംബൈ : രാജ് കുന്ദ്ര ഉൾപ്പെട്ട നീലച്ചിത്ര നിര്‍മാണ കേസിൽ മുംബൈ ക്രൈം ബ്രാഞ്ചിന്‍റെ പ്രോപ്പർട്ടി സെൽ അനുബന്ധ കുറ്റപത്രം സമര്‍പ്പിച്ചു. 1500ഓളം പേജ് വരുന്ന കുറ്റപത്രം ബുധനാഴ്‌ചയാണ് മുംബൈയിലെ എസ്പ്ലനേഡ് കോടതിയില്‍ സമര്‍പ്പിച്ചത്.
വ്യവസായിയായ രാജ് കുന്ദ്രക്കെതിരെ, ഭാര്യയും നടിയുമായ ശിൽപ ഷെട്ടി ഉൾപ്പെടെയുള്ള 43 പേരുടെ സാക്ഷിമൊഴികളും കുറ്റപത്രത്തിൽ ഉൾപ്പെടുത്തിയിട്ടുണ്ട്. അഭിനേതാക്കളായ ഷെർലിൻ ചോപ്ര, സെജൽ ഷാ കുന്ദ്രയുടെ കമ്പനിയിലെ മോഡലുകള്‍, ജീവനക്കാര്‍ തുടങ്ങിയവരുടെ മൊഴികൾ ഉപകുറ്റപത്രത്തിൽ രേഖപ്പെടുത്തിയിട്ടുണ്ട്.