സത്യജിത് റേയുടെ നാല് കഥകളെ ആസ്പദമാക്കി ഒരുക്കുന്ന നെറ്റ്ഫ്ലിക്‌സ് ആന്തോളജി 'റേ'യുടെ ട്രെയിലർ പുറത്തിറങ്ങി. മനോജ് ബാജ്പേയി, അലി ഫസൽ, ഹർഷവർധൻ കപൂർ, കെ.കെ മേനോൻ എന്നിവരാണ് റേയിലെ പ്രധാന താരങ്ങൾ. അഹംഭാവം, പ്രതികാരം, അസൂയ, വിശ്വാസവഞ്ചന എന്നിങ്ങനെ മനുഷ്യനിലെ നാല് വൈകാരിക സ്വാഭാവങ്ങളെ അടിസ്ഥാനമാക്കി വികാസ് ബാല, അഭിഷേക് ചൗബെ, ശ്രീജിത്ത് മുഖർജി എന്നിവരാണ് ആന്തോളജി സംവിധാനം ചെയ്‌തിരിക്കുന്നത്. ഈ മാസം 25ന് ഹിന്ദി ആന്തോളജി റിലീസ് ചെയ്യും.
ഹംഗാമ ഹെ കോൻ ബർപ, ഫോർഗറ്റ് മീ നോട്ട്, ബഹ്രൂപിയ, സ്‌പോട്ട്‌ലൈറ്റ് എന്നിവയാണ് റേയിലടങ്ങിയിരിക്കുന്ന നാല് ചിത്രങ്ങൾ. 'മനുഷ്യൻ ദൈവത്തിൽ കുറഞ്ഞതൊന്നുമല്ല, മനുഷ്യൻ മറ്റൊരു മനുഷ്യന് ജന്മം നൽകുന്നതിനാൽ അവനും സൃഷ്ടാവ് തന്നെ,' എന്ന വിവരണത്തോടെയാണ് ചിത്രത്തിന്‍റെ ട്രെയിലർ തുടങ്ങുന്നത്. 'മനുഷ്യൻ എപ്പോഴൊക്കെ അവനെ ദൈവതുല്യനായി കാണുന്നുവോ, അപ്പോഴൊക്കെ വലിയ വീഴ്‌ചയുമുണ്ടാകാറുണ്ട്,' എന്ന് പറഞ്ഞാണ് ട്രെയിലർ അവസാനിപ്പിക്കുന്നത്.