വിജയ്‌യും വിജയ് സേതുപതിയും ഒന്നിച്ച് സ്‌ക്രീനിലെത്തുന്നുവെന്നതിനാൽ മാസ്റ്ററിനായി കുറച്ചൊന്നുമല്ല ആരാധകർ കാത്തിരിക്കുന്നത്. കാർത്തി നായകനായ കൈതിയുടെ സംവിധായകൻ ലോകേഷ് കനകരാജ് സംവിധാനം ചെയ്യുന്നതിനാലും മാസ്റ്ററിനോടുള്ള പ്രതീക്ഷ വാനോളമുയരുന്നുണ്ട്. മാസ്റ്റർ അമ്പത് ശതമാനവും എന്‍റെ ചിത്രമാണെന്ന് സംവിധായകൻ വ്യക്തമാക്കിയിരുന്നു. അതിനാൽ തന്നെ, മാസ്റ്ററിന്‍റെ പ്രമേയത്തിലും അവതരണത്തിലും വലിയ സസ്‌പെൻസുണ്ടാകാമെന്നാണ് സൂചന.
കൊവിഡിൽ റിലീസ് മാറ്റിവെച്ചതിനാൽ ആരാധകർക്ക് നീണ്ട കാത്തിരിപ്പ് വേണ്ടി വന്നു. ഒടുവിൽ, തിയേറ്ററുകൾ തുറന്നതോടെ പൊങ്കൽ റിലീസായി ദളപതി ടീം തിയേറ്ററിനെ ആഘോഷമാക്കാനെത്തുമെന്ന് അണിയറപ്രവർത്തകർ അറിയിച്ചു.