മുംബൈ: പൗരത്വ ഭേദഗതി നിയമത്തിൽ രാഷ്‌ട്രത്ത് നടക്കുന്ന പ്രതിഷേധത്തിൽ അണിചേർന്ന് ബോളിവുഡ് സംവിധായകനും നിർമാതാവുമായ മഹേഷ് ഭട്ടും. "പൗരത്വ ഭേദഗതി ബിൽ വിവേചനപരമാണെന്നും അത് ഭരണഘടനാ മൂല്യങ്ങളെ ലംഘിക്കുന്നുവെന്നും വിശ്വസിക്കുന്നു. ഈ ബിൽ ഞങ്ങൾ അംഗീകരിക്കുന്നില്ല, ഇത് ഒരു നിയമമാകുകയാണെങ്കിൽ അതിനെ നമ്മളെല്ലാവരും എതിർക്കണം. അതുപോലെ പൗരത്വം തെളിയിക്കാൻ ആവശ്യപ്പെടുകയാണെങ്കിൽ രേഖകളൊന്നും സമർപ്പിക്കില്ലെന്ന് ഞങ്ങൾ പ്രതിജ്ഞ ചെയ്യുന്നു," കുറച്ച് നാൾ മുമ്പ് ഇന്‍റർനെറ്റിൽ പ്രചരിച്ചുതുടങ്ങിയ വീഡിയോയിൽ അദ്ദേഹം പറഞ്ഞു.
മതേതര ജനാധിപത്യരാജ്യമാണ് വേണ്ടതെന്ന് മഹേഷ് ഭട്ട് - Bollywood on Citizenship Amendment Act
പൗരത്വ ഭേദഗതി ബിൽ വിവേചനപരമാണെന്നും അത് ഭരണഘടനാ മൂല്യങ്ങളെ ലംഘിക്കുന്നുവെന്നും മഹേഷ് ഭട്ട് പറയുന്നു.
പൗരത്വ ഭേദഗതി നിയമത്തിൽ മഹേഷ് ഭട്ടിന്‍റെ പ്രതിജ്ഞ
ഇന്നലെ കോൺഗ്രസ് നേതാവ് സഞ്ജയ് ജാക്കൊപ്പം മുംബൈയിൽ നടന്ന പ്രതിഷേധ യോഗത്തിലും മഹേഷ് ഭട്ട് പങ്കെടുത്തിരുന്നു. "ഇന്ത്യയെ ഒരു സോവറിൻ സോഷ്യലിസ്റ്റ് സെക്യുലർ ഡെമോക്രാറ്റിക് റിപ്പബ്ലിക്കായി മാറ്റാൻ തീരുമാനിച്ച പൗരന്മാരാണ് നമ്മൾ," ഭരണഘടനയുടെ ആമുഖത്തെ സൂചിപ്പിച്ചുകൊണ്ട് പ്രതിഷേധ യോഗത്തിന് ശേഷം അദ്ദേഹം ട്വീറ്റ് ചെയ്‌തു.
പൗരത്വ ഭേദഗതി നിയമത്തെ അനുകൂലിക്കില്ലെന്ന നിലപാടിൽ രാജ്യത്ത് കഴിഞ്ഞ ദിവസങ്ങളിലായി നടക്കുന്നത് ശക്തമായ പ്രതിഷേധമാണ്. രാഷ്‌ട്രത്തിലെ വർഗീയതക്കെതിരായി പൗരത്വ ഭേദഗതി നിയമം പ്രാബല്യത്തിൽ വന്നതോടെ സുഡാനി ഫ്രം നൈജീരിയ സിനിമാപ്രവർത്തകർ ദേശീയ അവാർഡ് ചടങ്ങ് ബഹിഷ്‌കരിച്ചതുൾപ്പടെ സിനിമാലോകവും തങ്ങളുടെ എതിർപ്പുകൾ പ്രകടിപ്പിച്ചുകൊണ്ട് രംഗത്തെത്തുന്നുണ്ട്.